spot_img
Homeຂ່າວຕ່າງປະເທດຈີນ - ເກົາຫລີເໜືອ ຮ່ວມກັນສ້າງຕັ້ງ ເຂດການຄ້າຊາຍແດນ

ຈີນ – ເກົາຫລີເໜືອ ຮ່ວມກັນສ້າງຕັ້ງ ເຂດການຄ້າຊາຍແດນ

Published on

China 15 400

ຂປລ. ຕາມ​ຂ່າວ​ຕ່າງປະ​ເທດ, ວັນ​ທີ 13 ​ເດືອນ​ກໍລະກົດ, ​ ເຈົ້າໜ້າ​ທ່ີ​ຂອງ​ຈີນ​ໃຫ້​ຮູ້​ວ່າ ປະ​ເທດນີ້ ​​ແລະ ສປປ​ເກົາຫລີ ​ໄດ້​ເອກະ​ພາບ​ ສ້າງ​ຕັ້ງ​ເຂດ​ການ​ຄ້າ​ ຊາຍ​ແດນ ລະຫວ່າງ ສອງ​ປະ​ເທດ ຢູ່​ນະຄອນຕານ​ຕົງ ​ແຂວງ​ຫລຽວ​ໜິງ ທາງ​ພາກ​ຕາ​ເວັນ​ອອກ​ສ່ຽງ​ເໜືອ​ຂອງ​ຈີນ. ​ເຂດ​ການ​ຄ້າ​ນີ້ ກວມ​ເອົາ​ເນື້ອທ່ີ 40.000 ​ແມັດ​ມົນ​ທົນ ​ແລະ ຄາດ​ວ່າ​ຈະ​ເລີ່​ມ​ເຂົ້າ​ສູ່​ ການ​​ເຄື່່ອນ​ໄຫວ ​ໃນ​ເດືອນ​ຕຸລາ​ນີ້.

​ເຈົ້າໜ້າ​ທ່ີ​ກ່ຽ​ວຂ້ອງ​ຈີນ ​ໃຫ້​ຮູ້​ວ່າ ປະຊາຊົນ​ທ່ີ​ອາ​ໄສ​ ຢູ່​ໃນ​ເຂດ​ໃກ້​ຄຽງຊາຍ​ແດນ 20 ກິ​ໂລ​ແມັດ ອາດ​ຈະ​ແລກປ່ຽນ ​ຄ້າຂາຍ ກັບ ປະຊາ ຊົນ ສປປ​ເກົາຫລີ ​ແລະ ​ໄດ້​ຮັບ​ນະ​ໂຍບາຍ ຍົກເວັ້ນພາສີ ດ້ວຍຈຳນວນສິນຄ້າ ທ່ີມີມູນຄ່າ ບໍ່ເກີນ 8.000 ຢວນ / ວັນ ( ປະມານ 1.288 ໂດລາ ສະຫະລັດ / ວັນ ). ​ນະຄອນ​ຕານ​ຕົງ ​ຖື​ເປັນ​ສູນ​ການ​ຄ້າ, ການ​ລົງທຶນ ​ແລະ ທ່ອງ​ທ່ຽວຕົ້ນຕໍ ລະຫວ່າງ ຈີນ ​ແລະ ສປປ​ເກົາຫລີ. ປັດຈຸບັນ, ມີ​ວິ​ສາ​ຫະກິດ​ຈີນ ຫລາຍ​ກວ່າ 600 ​ແຫ່ງ ​ໄດ້​ດຳ​ເນີນ​ທຸລະ​ກີດ ຄ້າ​ຂາຍ ຮ່ວມກັບ ສປປ​ເກົາຫລີ ກວມ​ເອົາ 40% ຂອງ​ຍອດ​ມູນ​ຄ່າ ​ການ​ຄ້າ​ຂາຍຂອງ​ນະ ຄອນ​ຕານ​ຕົງ.

 

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ເຈົ້າໜ້າທີ່ ກວດພົບ ອຸປະກອນທວນສັນຍານ ຈາກຕ່າງປະເທດ ມາໃຊ້ຢູ່ ນະຄອນຫລວງວຽງຈັນ

ຕັກເຕືອນ-ອົບຮົມ ພ້ອມຍຶດອຸປະກອນທວນສັນຍານ ຈາກຕ່າງປະເທດ ທີ່ລັກລອບມານຳໃຊ້ຢູ່ໃນນະຄອນຫຼວງວຽງຈັນ. ວັນທີ 19 ສິງຫາ 2025 ເພຈຂ່າວກະຊວງເຕັກໂນໂລຊີ ແລະ ການສື່ສານ ລາຍງານວ່າ: ໃນລະຫວ່າງເດືອນ ມິຖຸນາ ຫາ...

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີໃນແຜ່ນດິນສະຫະລັດ ທີ່ອາລາສກາ ເຊິ່ງການປະຊຸມຄັ້ງນີ້ຍັງບໍ່ມີການບັນລຸຂໍ້ຕົກລົງກັນ ແຕ່ການເຈລະຈາເປັນໄປໄດ້ດ້ວຍດີ ແລະ ມີຄວາມຄືບໜ້າ ເຊິ່ງທ່ານ ໂດນັລ ທຣຳ ກຽມໂທຫາ...

ຝົນມໍລະສຸມ! ປາກີສະຖານປະເຊີນ ນ້ຳປ່າໄຫຼຊຸ ແລະ ດິນເຈື່ອນຖະຫຼົ່ມ ຫຼ້າສຸດມີປະຊາຊົນເສຍຊີວິດຢ່າງນ້ອຍ 344 ຄົນ.

ປາກີສະຖານປະເຊີນນ້ຳປ່າຖ້ວມຊຸ ແລະ ດິນຖະຫຼົ່ມ ເນື່ອງຈາກຝົນຕົກໜັກ ເຮັດໃຫ້ປະຊາຊົນເສຍຊີວິດຢ່າງນ້ອຍ 344 ຄົນ. ສຳນັກຂ່າວຕ່າງປະເທດລາຍງານໃນວັນທີ 17 ສິງຫາ 2025 ຜ່ານມານີ້ວ່າ: ປາກີສະຖານປະເຊີນກັບສະພາບຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຊຸ  ແລະ ດິນຖະຫຼົ່ມ...

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...