ຂປລ. ຕາມຂ່າວຕ່າງປະເທດ, ວັນທີ 12 ເດືອນກໍລະກົດ ປີ 2015, ກະຊວງ ການຕ່າງປະເທດ ມາເລເຊຍ ຮຽກຮ້ອງ ສະເໜີໃຫ້ ລາງວັນ ປະຊາຊົນ ຢູ່ໃນບັນດາ ປະເທດ ອາຊີຕາເວັນອອກ ສ່ຽງໃຕ້(ອາຊຽນ) ສົກປີ 2015 ເນື່ອງໃນໂອກາດ ວັນສ້າງຕັ້ງ ປະຊາຄົມ ອາຊຽນ ຊຶ່ງຈະຈັດຂຶ້ນໃນທ້າຍປີນີ້.
ກະຊວງ ການຕ່າງປະເທດ ມະເລເຊຍ ໃຫ້ຮູ້ວ່າ: ອາຊຽນ ໄດ້ເຄົາລົບ ບັນດາບຸກຄົນ ຫລື ອົງການຈັດຕັ້ງ ທີ່ຂຶ້ນກັບ ບັນດາ ປະເທດສະມາຊິກ ອາຊຽນ ທ່ີໄດ້ປະກອບສ່ວນອັນດີເລີດ ເຂົ້າໃນຂະບວນ ການກໍ່ສ້າງ ປະຊາຄົມເສດຖະກິດ ອາຊຽນ ໃນບັນດາຂົງເຂດ ພັດທະນາ ການເມືອງ-ສັງຄົມ ແລະ ວັດຖະນາທຳ, ການເຊື່ອມໂຍງເສດຖະກິດ, ຊາວໜຸ່ມ, ອາຊີບ, ການສຶກສາ, ການເຄື່ອນໄຫວ ອາສາສະໝັກ, ພັດທະນາປະຊາຄົມ ແລະ ອຸດໜູນສິດທິ.
ຜູ້ ຮັບລາງວັນ ຈະໄດ້ຮັບເຄື່ອງທີ່ລະນຶກ ແລະ ເງິນຈຳນວນ 10.000 ໂດລາສະຫະລັດ ເພື່ອສະໜັບສະໜູນ ແລະ ສົ່ງເສີມຄວາມພະຍາຍາມ ເພື່ອສືບຕໍ່ ປະກອບສ່ວນເຂົ້າໃນ ຂະບວນການ ກໍ່ສ້າງປະຊາຄົມ ເສດຖະກິດ ອາຊຽນ. ລາງວັນດັ່ງກ່າວ ຈະມອບໂດຍ ບັນດາ ທ່ານຜູ້ນຳ ອາຊຽນ ໃນໂອກາດ ກອງປະຊຸມຂັ້ນສູງ ອາຊຽນ ຄັ້ງທີ 27 ທ່ີຈະຈັດຂຶ້ນ ຢູ່ກົວລາລຳເປີ ປະເທດມາເລເຊຍ ໃນເດືອນ ພະຈິກນີ້.
ແຫລ່ງຂ່າວ: ສຳນັກຂ່າວສານປະເທດລາວ