ສຳນັກຂ່າວຕ່າງປະເທດ ລາຍງານໃນວັນທີ 13 ກໍລະກົດນີ້ວ່າ ສະຫະລັດອາເມຣິກາ ກຳລັງຫາລືກັບບັນດາປະເທດຕ່າງໆ ໃນແຖບອາຟຣິກາເໜືອ ກ່ຽວກັບການຊອກຫາພື້ນທີ່ຕັ້ງຖານທັບ ສຳລັບເຮືອບິນໄຮ້ຄົນຂັບ ຫລື ໂດຣນ ຂອງຕົນ ໄປປະຈຳການຢູ່ ເພື່ອຍົກລະດັບການເຝົ້າລະວັງຕິດຕາມສອດແນມກຸ່ມລັດອິດສະລາມ ຫລື ໄອເອັສຢູ່ປະເທດລິບີ ເຊິ່ງຖ້າຫາກສາມາດເຈລະຈາໄດ້ ກໍຈະເຮັດໃຫ້ສະຫະລັດ ສາມາດເກັບກຳສະພາບການເຄື່ອນໄຫວພາຍໃນພາກພື້ນດັ່ງກ່າວນີ້ຫລາຍຂຶ້ນ, ແນວໃດກໍຕາມ ແຫລ່ງຂ່າວໄດ້ລະບຸວ່າ ປັດຈຸບັນຍັງບໍ່ທັນມີປະເທດໃດໃຫ້ການຕອບຮັບເທື່ອ.