ຕອບສະໜອງຕາມຄວາມຮຽກຮ້ອງຕ້ອງການ ຂອງແຟນຂ່າວລາວໂພສຕ໌ ທີ່ສອບຖາມເຂົ້າມາຢ່າງໜາຫູວ່າ ໃນໂອກາດຄົບຮອບວັນສ້າງຕັ້ງ ສະຫະພັນແມ່ຍິງລາວ ປີນີ້ ຊາວພະນັກງານກຳມະກອນລາວ ໂດຍສະເພາະເອື້ອຍນ້ອງແມ່ຍິງລາວ ຈະໄດ້ພັກວຽກຫຼືບໍ່?
ທີມຂ່າວລາວໂພສຕ໌ ຂອງພວກເຮົາໄດ້ຄົ້ນຫາຂໍ້ມູນໃນເລື່ອງນີ້ ແລະພົບວ່າໃນປີ 2014 ທີ່ຜ່ານມາ ລັດຖະບານໄດ້ແຈ້ງໃຫ້ວັນທີ 21 ກໍລະກົດ ເປັນວັນພັກຊົດເຊີຍ ວັນທີ 20 ກໍລະກົດ ເນື່ອງຈາກວັນທີ 20 ກໍລະກົດ ກົງກັບວັນອາທິດ ນັ້ນກໍສະແດງວ່າ ຖ້າບໍ່ມີການປ່ຽນແປງໃດໆ ວັນທີ 20 ກໍລະກົດ 2015 ນີ້ ກໍຈະເປັນວັນພັກ ເພື່ອລະນຶກເຖິງເຫດການ ການສ້າງຕັ້ງສະຫະພັນແມ່ຍິງລາວ ຄົບຮອບ 60 ປີ (20 ກໍລະກົດ 1955 – 20 ກໍລະກົດ 2015).
