ຄະດີບໍ່ເພິງປາດຖະໜາດັ່ງກ່າວໄດ້ເກີດຂຶ້ນເມື່ອເວລາປະມານ 2:00 ໂມງເຊົ້າວັນທີ 3 ກໍລະກົດ ຜ່ານມານີ້ຢູ່ບ້ານດົງບັງ ເມືອງໄຊທານີ ນະຄອນຫລວງວຽງຈັນ ຊຶ່ງ ມີຢູ່ວ່າ: ໃນວັນດ່ັງກ່າວນາງ ຄຳ ແຜ່ນ ອາຍຸ 52 ປີ ຢູ່ບ້ານດົງບັງ ໄດ້ ພາ ນາງ ຕຸ້ຍ ເຊິ່ງເປັນລູກສາວທີ່ຖື ພາໄປເກີດລູກໃນຄລີນິກແຫ່ງ ໜຶ່ງຢູ່ເຂດເມືອງໄຊທານີ ຫລັງຈາກນັ້ນ ນາງຄຳແຜ່ນ ແລະ ລູກສາວພ້ອມກັບຫລານທີ່ເກີດໃໝ່ໄດ້ພາ ກັນກັບເມື່ອບ້ານໃນວັນດຽວກັນ ແລະ ໃນລະຫວ່າງທາງເມືອບ້ານນັ້ນ ນາງ ຄຳແຜ່ນ ໄດ້ຖາມລູກສາວ ວ່າໃຜ ເປັນພໍ່ຂອງເດັກ ແລະ ລູກສາວຕອບວ່າບໍ່ຮູ້, ເມື່ອໄດ້ຍິນແນວນັ້ນ ນາງ ຄຳແຜ່ນ ຈຶ່ງຄິດຢ້ານ ອັບອາຍຊາວບ້ານ ແລະ ຢ້ານຜູ້ເປັນຜົວຕີລູກສາວ, ຈຶ່ງໄດ້ຕັດສິນໃຈເອົາມືບີບຄໍຫລານເກີດໃໝ່ຄົນນັ້ນຈົນ ເສຍຊີດວິດແລ້ວເອົາສົບໄປຖິ້ມຢູ່ປ່າເຂດບ້ານດົງບັງຫ່າງຈາກເຮືອນປະມານ 4 ກິໂລແມັດ ແລະ ບອກລູກສາວວ່າຫ້າມບອກເລື່ອງນີ້ໃຫ້ພໍ່ ແລະ ຄົນອື່ນຮູ້ເດັດຂາດ, ຫລັງຈາກນັ້ນກໍພາກັນ ກັບເມື່ອ ເຮືອນ ແລະ ຕົກມາຮອດເວລາປະມານ 18:00 ໂມງກໍຖືກເຈົ້າໜ້າທີ່ເຂົ້າຈັບຕົວເພື່ອດຳເນີນ ຄະດີຕາມລະບຽບກົດໝາຍ.
ແຫລ່ງຂ່າວ: ລາວພັດທະນາ