ສຳນັກຂ່າວຕ່າງປະເທດ ລາຍງານໃນວັນທີ 9 ກໍລະກົດຜ່ານມານີ້ວ່າ ມີພົນລະເຮືອນເສຍຊີວິດ 19 ຄົນ ໃນນັ້ນເປັນເດັກນ້ອຍ 5 ຄົນ ຫລັງຈາກຖືກລູກຫລົງຈາກການໂຈມຕີດ້ວຍລະເບີດຖັງ ແລະ ການຍິງຈະຫລວດໃສ່ກັນ ລະຫວ່າງຝ່າຍລັດຖະບານຊີຣີ ແລະ ກຸ່ມຕິດອາວຸດຕໍ່ຕ້ານລັດຖະບານ ໃນບໍລິເວນເຂດໜຶ່ງຂອງນະຄອນຫລວງອະເລບໂປ ຈາກຄວາມຂັດແຍ່ງທີ່ເກີດຂຶ້ນມາຕະຫລອດໄລຍະ 3 ປີ ທີ່ນະຄອນຫລວງແຫ່ງນີ້ ໄດ້ຖືກແບ່ງອອກເປັນ 2 ເຂດ ໂດຍເຂດຕາເວັນຕົກເປັນເຂດທີ່ລັດຖະບານຄອບຄອງ ແລະ ເຂດຕາເວັນອອກທີ່ກຳລັງຕໍ່ຕ້ານລັດຖະບານຍຶດຄອງໄວ້ ເຊິ່ງມາຮອດປັດຈຸບັນ ມີຜູ້ເສຍຊີວິດໄປແລ້ວກ່ວາ 220,000 ຄົນ ໃນປະເທດຊີຣີ ນັບຕັ້ງແຕ່ເກີດຄວາມຂັດແຍ່ງເປັນຕົ້ນມາ.