ເມື່ອບໍ່ດົນມານີ້, ເຈົ້າໜ້າທີ່ ປກສ ແຂວງຫລວງນ້ຳທາ, ໄດ້ຈັບ ຕົວທ້າວ ວັນໄຊ ອາຍຸ 53 ປີ ແລະ ນາງນັນວະມີ ອາຍຸ 40 ປີ ຢູ່ບ້ານ ຕາຫວ່ານ, ເມືອງ ແລະ ແຂວງ ຫລວງນ້ຳທາ, ໃນຂໍ້ຫາຄ້າຢາເສບ ຕິດ, ພ້ອມຂອງກາງຝິ່ນນ້ຳໜັກ 10 ກິໂລ, ເງິນ 4 ແສນກີບ, ໂທລະສັບ ມືຖືສອງໜ່ວຍ, ລົດຈັກໜຶ່ງຄັນ, ຈຶ່ງໄດ້ຍຶດໄວ້ເປັນຫລັກ ຖານໃນ ການດຳເນີນຄະດີຕາມລະບຽບກົດ ໝາຍ. ໂດຍພວກກ່ຽວຖືກຈັບຕົວ ໄດ້ໃນຂະນະພວມໄປສົ່ງຝິ່ນຈຳ ນວນດັ່ງກ່າວໃຫ້ລູກຄ້າຢູ່ສະຖານີ ຂົນສົ່ງໂດຍສານ ຂອງແຂວງດັ່ງ ກ່າວ ແລະ ຜ່ານການສືບສວນ- ສອບສວນພວກກ່ຽວຮັບສາລະ ພາບວ່າ: ຝິ່ນຈຳນວນທັງໝົດ ແມ່ນຄົນຮູ້ຈັກຢູ່ແຂວງຜົ່ງສາລີສົ່ງມາໃຫ້ເພື່ອສົ່ງ ຂາຍໃຫ້ລູກຄ້າ ແລະ ປັດຈຸບັນຄະດີດັ່ງກ່າວພວມຢູ່ໃນຂັ້ນຕອນການສືບສວນ-ສອບສວນໃຫ້ລະອຽດຂຶ້ນຕື່ມເພື່ອຂະ ຫຍາຍຜົນຫາຜູ້ຮ່ວມຂະບວນການທີ່ຖືກຊັກທອດນຳຈັບຕົວມາດຳເນີນຄະດີຕາມລະບຽບກົດໝາຍໂດຍໄວ.
ແຫລ່ງຂ່າວ: ລາວພັດທະນາ