ສຳນັກຂ່າວຕ່າງປະເທດ ລາຍງານໃນວັນທີ 7 ກໍລະກົດນີ້ວ່າ ພໍ່ຕູ້ ຊາກາຣິ ໂມໂມອິ ຊາຍທີ່ມີອາຍຸຍືນທີ່ສຸດໃນໂລກ ໄດ້ເສຍຊີວິດລົງດ້ວຍອາຍຸ 112 ປີ ໂດຍພໍ່ຕູ້ ໂມໂມອິ ເກີດໃນປີ 1903 ທີ່ເມືອງຟຸກຸຊິມະ ແລະ ໄດ້ຖືກຮັບຮອງວ່າເປັນຊາຍທີ່ມີອາຍຸຍືນທີສຸດໃນໂລກ ເມື່ອປີ 2014 ທີ່ຜ່ານມາ ເຊິ່ງໃນພິທີຮັບຂັນລາງວັນຈາກ ກິນເນັສ ເວີນ ເຣັກຄອດ ເມື່ອປີກາຍນີ້ ພໍ່ຕູ້ ໂມໂມອິ ໄດ້ກ່າວວ່າ ” ຂ້ອຍຢາກມີຊີວິດຢູ່ຕໍ່ໄປອີກ 2 ປີ ” ແນວໃດກໍຕາມ ພໍ່ຕູ້ ໂມໂມອິ ໄດ້ເສຍຊີວິດລົງແລ້ວໃນມື້ນີ້ (7 ກໍລະກົດ) ເນື່ອງຈາກໝາກໄຂ່ຫລັງບໍ່ທຳງານ.