ທ່ານ ນາງ ເຈີນສິງ ອຳນວຍການບໍລິສັດກຸມພັດທະນາເຂດເສດຖະກິດສະເພາະບໍ່ເຕ່ນແດນງາມ ໃຫ້ຮູ້ ໃນວັນທີ 30 ມີຖຸນາ 2015 ວ່າ: ການພັດທະນາເຂດເສດຖະກິດສະເພາະບໍ່ເຕ່ນແດນງາມ ແມ່ນໄດ້ເລີ່ມປະຕິບັດ ມາແຕ່ ເດືອນ 11 ປີ 2011 ຮອດວັນທີ 4 ເດືອນ 4 ປີ 2012ໄດ້ເຊັນສັນຍາຢ່າງເປັນທາງ ການກັບລັດຖະບານ ສປປ ລາວ, ອາຍຸສຳ ປະທານ 50 ປີ ສາມາດຕໍ່ ໄດ້ 20 ເທື່ອ ເທື່ອລະ 20 ປີ, ເນື້ອທີ່ສຳປະທານ 1.641 ເຮັກຕາປະຕິບັດຕາມ ການລົງທຶນ ແລະ ແຜນການລົງທຶນເຂດບໍ່ເຕ່ນ, ມີທຶນຈົດທະບຽນ 8 ຕື້ ກີບ ເປັນການລົງທຶນຂອງເອກະ ຊົນ 100%, ເພື່ອພັດທະນາເຂດ ບໍ່ເຕ່ນໃຫ້ ກາຍເປັນເຂດທີ່ທັນສະໄໝ ແລະ ເມືອງທັນສະໄໝ, ການພັດທະນາຢູ່ເຂດ ສຳປະທານ ກໍ່ຄືເຂດເສດຖະກິດສະເພາະ ບໍ່ເຕ່ນແດນງາມໄດ້ແບ່ງອອກເປັນ 6 ເຂດຄືເຂດສູນການຄ້າ, ສູນ ການເງີນ-ການທະ ນາຄານ,ສູນການແລກປ່ຽນຂໍ້ມູນ ຂ່າວສານ ແລະ ບໍລິການການທ່ອງທ່ຽວ,ເຂດບ້ານ ວັດ ທະນະທຳ ແລະ ສະໝາມກ໊ອບ,ເຂດສາງພັກ ແລະ ຄ່ຽນ ຖ່າຍສິນຄ້າ,ເຂດອ່າງເກັບນ້ຳແບບທຳມະຊາດ, ເຂດສະໜາມກ໊ອບ ແລະ ເຂດສວນປ່າໄມ້ແບບທຳມະຊາດ.
ທ່ານ ນາງເຈີນສິງ ກ່າວຕື່ມວ່າ: 9 ເດືອນຜ່ານມາໄດ້ເອົາໃຈໃສ່ປັບປຸງພື້ນຖານໂຄງລ່າງຢູ່ເຂດໜື່ງ, ເຂດສາມ, ເຂດສີ່ ແລະ ເຂດຫົກ ເປັນຕົ້ນໄດ້ກໍ່ສ້າງຮ້ານຄ້າປອດພາສີ, ປັບປຸງຫໍສະແດງສີລະປະ, ຂະຫຍາຍເສັ້ນ ທາງອາ 3 ແລະ ຕິດຕັ້ງ ໄຟຟ້າເຍື່ອງທາງຢູ່ເຂດໜື່ງ ແລະ ເຂດສາມກໍ່ສ້າງຂົວອູ່ ແລະ ສະດິງຢູ່ເຂດໜື່ງ, ທະລຸ ເສັ້ນທາງໄປສວນປ່າ ໄມ້ແບບ ທຳມະຊາດ 28 ກິໂລແມັດ, ກໍ່ສ້າງສະຖານທີ່ພັກຜ່ອນຢູ່ອ່າງເກັບນ້ຳ ແລະ ອື່ນໆ
ແຫລ່ງຂ່າວ: ສຳນັກຂ່າວສານປະເທດລາວ