ຂປລ. ໃນວັນທີ 4 ກໍລະກົດ 2015 ນີ້ ທ່ານນາງ ຍອດແກ້ວມະນີ ສຸພານຸວົງ ລັດຖະມົນຕີວ່າການ ຮອງຫົວໜ້າຫ້ອງວ່າການ ສູນກາງພັກປະຊາຊົນ ປະຕິວັດລາວ, ​ໄດ້ຈັດພິທິທາງ ສາສະໜາຖວາຍພາເຂົ້າທິບ ແລະ ເຄື່ອງປັດໄຈ ໄຊຍະທານຈຳນວນໜຶ່ງ ໃຫ້ແກ່ພະສົງທີ່ ວັດນຳກ້ຽງເໜືອ ເມືອງນາຊາຍທອງ ນະຄອນຫລວງວຽງຈັນ ເພື່ອເປັນການ ສ້າງບຸນກຸສົນ ອຸທິດຫາດວງວິນຍານ ເຖິງ ປະທານສຸພານຸວົງ ຜູ້ນຳທີ່ແສນເຄົາລົບຮັກ ຂອງປະຊາຊົນບັນດາເຜົ່າ ເນື່ອງໃນໂອກາດວັນຄ້າຍວັນເກີດ ປະທານສຸພານຸວົງ ຄົບຮອບ 106 ປີ ( 13 ກໍລະກົດ 1909­­-13 ກໍລະກົດ 2015 ) ແລະ ວັນສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ ( 2 ທັນວາ 1975 ເຖິງ 2 ທັນວາ 2015 )ທີ່ປະທານສຸພານຸວົງ ດຳລົງຕຳແໜ່ງປະທານປະເທດທຳອິດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ( 2 ທັນວາ 1975 ­­­ເຖິງ 2 ທັນວາ 2015).

ແຫລ່ງຂ່າວ: ສຳນັກຂ່າວສານປະເທດລາວ