ສຳນັກຂ່າວຕ່າງປະເທດ ລາຍງານຂ່າວດ່ວນວ່າ ໃນເວລາ 12:50 ໂມງຂອງມື້ນີ້ (2​ ກໍລະກົດ) ຕາມເວລາໃນທ້ອງຖິ່ນ ໄດ້ກີດເຫດເຮືອໂດຍສານຂ້າມຟາກ ຫລົ້ມກາງທະເລ ນອກຊາຍຝັ່ງເມືອງທ່າອໍມັອກ ຊິຕີ້ ແຂວງເລເຕ ປະເທດຟິລິບປິນ ເຊິ່ງເບື້ອງຕົ້ນມີລາຍງານວ່າ ພົບຜູ້ເສຍຊີວິດແລ້ວ 36 ຄົນ ແລະ ມີຜູ້ໂດຍສານຈຳນວນປະມານ 50 ກ່ວາຄົນ ໄດ້ຖືກຊ່ວຍເຫລືອນຳສົ່ງໂຮງໝໍ ໃນຂະນະທີ່ທີມກູ້ໄພຂອງຟິລິບປິນ ກຳລັງເລັ່ງຄົ້ນຫາ ແລະ ຊ່ວຍເຫລືອຢ່າງຮີບດ່ວນ.

ແຫລ່ງຂ່າວໄດ້ລະບຸວ່າ ເຮືອໂດຍສານລຳດັ່ງກ່າວແມ່ນຊື່ ‘NB Nervana’ ເຊິ່ງມີຜູ້ໂດຍສານ ແລະ ລູກເຮືອລວມກັນແລ້ວ 189 ຄົນ ໄດ້ອອກຈາກເມືອງອໍມັອກ ຊິຕີ້ ເພື່ອຈະເດີນທາງໄປເກາະຄາໂມເຕດ ໃນແຂວງເຊບູ ແຕ່ໄດ້ເກີດເຫີດອັບປາງລົງຫ່າງຈາກຊາຍຝັ່ງປະມານ 200 ແມັດ ເນື່ອງຈາກປະເຊີນກັບຄື່ນລົມແຮງ ຈົນເຮັດໃຫ້ເຮືອພິກຂວ້ຳ.