ສຳນັກຂ່າວຕ່າງປະເທດ ລາຍງານໃນວັນທີ 30 ມິຖຸນາຜ່ານມານີ້ວ່າ ເກີດເຫດເຮືອບິນເຮີຄິວລິສ C-130 ຂອງກອງທັບອາກາດອິນໂດເນເຊຍ ຕົກລົງໃນເຂດຊຸມຊົນທີ່ຢູ່ອາໄສຂອງເມືອງເດານ ເມືອງໃຫຍ່ອັນດັບ 3 ຂອງອິນໂດເນເຊຍ ທີ່ຕັ້ງຢູ່ເທິງເກາະສຸມາດຕຣາ ໂດຍແຫລ່ງຂ່າວໄດ້ເປີດເຜີຍວ່າ ມີຜູ້ເສຍຊີວິດແລ້ວ 30 ຄົນ ແລະ ຄາດວ່າຈະມີຜູ້ເສຍຊີວິດເພີ່ມຂຶ້ນອີກຫລາຍສິບຄົນ.
ທັງນີ້ ເຮືອບິນເຮີຄິວລີສ ແມ່ນເປັນເຮືອບິນຂົນສົ່ງຂອງກອງທັບອາກາດອິນໂດເນເຊຍ ທີ່ກຳລັງຂົນເຄື່ອງຈາກເມືອງເມດານ ໂດຍມີຈຸດໝາຍໄປເກາະເນຕູນາ ເຊິ່ງບິນຂຶ້ນຈາກຖານທັບອາກາດໃນເວລາ 12:08 ນາທີຕາມເວລາໃນທ້ອງຖິ່ນ ກ່ອນທີ່ຈະຕົກລົງຕຳໃສ່ເຮືອນຊານຂອງປະຊາຊົນ ທີ່ຢູ່ຫ່າງອອກຈາກຖານທັບໄປປະມານ 5 ກິໂລແມັດ ໃນເວລາ 2 ນາທີຕໍ່ມາ ໂດຍແຫລ່ງຂ່າວໄດ້ລະບຸວ່າ ນັກບິນໄດ້ຖືກຂໍໃຫ້ບິນກັບຄືນຖານທັບ ເນື່ອງຈາກມີບັນຫາທາງດ້ານເຕັກນິກ ກ່ອນທີ່ຈະມາເກີດອຸບັດເຫດດັ່ງກ່າວນີ້.
