ບໍ່ວ່າເຈົ້າຈະເປັນຊ່າງແຕ່ງໜ້າມືໂປຫລືຫາກໍ່ຮຽນຮູ້ວິທີການແຕ່ງໜ້າ ແປງແຕ່ງໜ້າ ເປັນອຸປະກອນອັນດັບຕົ້ນໆ ທີ່ຄວນຈະເສຍເງີນລົງທຶນບໍ່ນ້ອຍໄປກວ່າເຄື່ອງສຳອາງເລີຍ ເພາະແປງແຕ່ງໜ້າຊ່ວຍສ້າງຄວາມແຕກຕ່າງໃນຂັ້ນຕອນການແຕ່ງໜ້າໄດ້ຫລາຍເຖິງຫລາຍທີ່ສຸດ ແຕ່ສຳລັບຄົນງົບນ້ອຍອາດຫາຊື້ແປງແຕ່ງໜ້າພື້ນຖານຫລັກໆ ພຽງ 2-3 ອັນທີ່ຈຳເປັນກໍໄດ້ນັ້ນກໍຄື ແປງອາຍແຊໂດວ໌ ແປງປັດຄິ້ວ ແລະ ແປງອາຍໄລເນີ ການທີ່ຈະເບິ່ງວ່າແປງຊະນິດໃດມີຄຸນນະພາບດີຕາມທີ່ຕ້ອງການຫລືບໍ່ ກ່ອນອື່ນຄວນເຮັດຄວາມຄຸ້ນເຄີຍກັບຄວາມຫລາກຫລາຍຂອງແປງຊະນິດຕ່າງໆລວມທັງຮູບຊົງແລະຊະນິດຂອງແປງກັນກ່ອນ
- ແປງປັດແກ້ມ ຂົນແປງມີຄວາມກວ້າງຫລາຍພໍທີ່ຈະໃຊ້ປັດໄດ້ທົ່ວບໍລິເວນໂໜກແກ້ມ ປາຍໂຄ້ງມົນ ລະອຽດ ແລະ ຄວນເປັນຂົນຈາກທຳມະຊາດທີ່ມີຄວາມນຸ່ມ
- ແປງບຣອນເຊີ ແປງຊະນິດນີ້ຈະມີຂົນແປງໜາຟູຫລາຍກວ່າແປງປັດແກ້ມ ແລະມີປາຍຕັດຊື່ເພື່ອສ້າງຄວາມອົບອຸ່ນເບິ່ງເປັນທຳມະຊາດໃຫ້ກັບຜິວ
- ແປງທາຄິ້ວ ເປັນແປງທີ່ມີຂົນແຂງແລະສັ້ນ ຕັດເປັນມຸມອຽງ ເບິ່ງຫາຂົນແປງທີ່ໃຊ້ວັດສະດຸປະສົມກັນລະຫວ່າງຂົນສັງເຄາະແລະຂົນທຳມະຊາດເພາະຂົນສັງເຄາະ 100% ຈະມີຄວາມແຂງເກີນໄປແລະສີບໍ່ຄ່ອຍຕິດ
- ແປງທາຄອນຊິນເລີ້ ເປັນແປງທີ່ມີຂົນແໜ້ນນຸ່ມແລະບໍ່ແຂງຈົນເກີນໄປເບິ່ງຫາແປງທີ່ມີຂົນສັງເຄາະເນື້ອມັນເງົາຈະຊ່ວຍໃຫ້ເກ່ຍເນື້ອຜະລິດຕະພັນມື່ນໄປກັບຜິວ ປາຍຂອງແປງມີລັກສະນະລຽວມົນເພື່ອຊ່ວຍທາຄອນຊິນເລີລ໌ໄດ້ໃນຈຸດທີ່ເຂົ້າເຖິງຢາກ
- ແປງເບລນສີອາຍແຊໂດ ຂົນແປງຄວນມີລັກສະນະຍາວ ນຸ່ມ,ຟູ ເພື່ອຊ່ວຍເກ່ຍສີອາຍແຊໂດໃຫ້ກົມກືນກັນແລະສາມາດນຳມາໃຊ້ແຕະແປ້ງ ເພື່ອທາທັບລົງເທິງ ຄອນຊີນເລີຫລືຮອງພື້ນບໍລິເວນຮອບດວງຕາແລະປົກປິດຮອຍສິວໃຫ້ຢູ່ຕົວຕິດທົນນານ
- ແປງຄອນທົວເປືອກຕາ ຄວນເປັນແປງຂົນທຳມະຊາດທີ່ມີຫົວແປງມົນ ຂົນແປງສັ້ນ ປາຍຕັດແລະເນື້ອແໜ້ນ ຊ່ວຍເກັບເນື້ອສີອາຍແຊໂດ ເພື່ອສ້າງເຄົ້າໂຄງຕາໃຫ້ມີມິຕິ
7. ແປງເສດດິ້ງເປືອກຕາ ແປງຫົວກວ້າງປາຍຕັດຈະຊ່ວຍເຮັດໃຫ້ສາມາດທາອາຍແຊໂດເທິງເປືອກຕາໄດ້ຢ່າງທົ່ວເຖິງໃນເທື່ອດຽວ
- ແປງເກ່ຍເປືອກຕາ ຫົວແປງຂະໜາດນ້ອຍປາຍກົມມົນ ຊ່ວຍໃນການເກ່ຍເສັ້ນອາຍໄລເນີໃຫ້ເບິ່ງຟຸ້ງເພື່ອສ້າງລຸກໃໝ່ແບບໂມກກີ້ອາຍ
- ແປງແຕ້ມອາຍໄລເນີ ຫົວແປງນ້ອຍ, ຂົນແປງສັ້ນ, ແໜ້ນ, ປາຍຕັດສຽງ ອອກແບບມາເພື່ອແຕ້ມອາຍໄລເນີຫລືຖ້າໃຜບໍ່ມີແປງທາຄິ້ວ ກໍສາມາດໃຊ້ແປງຊະນິດນີ້ເຕີມຄິ້ວໄດ້
10.ແປງຂຽນອາຍໄລເນີ (ຫົວແປ) ແປງທີ່ແປແລະແໜ້ນຈະຊ່ວຍເຮັດໃຫ້ໄດ້ເສັ້ນທີ່ແມ່ນຄົມ ແນວຂົນຕາໃຊ້ກັບອາຍໄລເນີໄດ້ທັງແບບປຽກແລະແຫ້ງ
11. ແປງທາຮອງພື້ນ ຂົນແປງປາຍແປຂະໜາດໃຫຍ່ເຮັດມາຈາກຂົນສັງເຄາະຊ່ວຍກະປະລິມານຂອງຮອງພື້ນເທິງຜິວໃຫ້ພໍດີ
12.ແປງທາໜ້າ ຫົວແປງກົມມົນ ຂົນຟູ ສາມາດໃຊ້ໄດ້ກັບບະຫລອນເຊີລ໌ ບະຫລັດອອນ ຫລືແປ້ງ
13.ແປງທາແປ້ງ ຂົນແປງທຳມະຊາດມີຂະໜາດໃຫຍ່ ຂົນຟູ,ນຸ່ມ,ປາຍແປງໂຄ້ງມົນຊ່ວຍໃນການທາຜິວບໍລິເວນຮອບດັງແລະໄດ້ດວງຕາ ສາມາດໃຊ້ໄດ້ທັງແປ້ງຝຸ່ນແລະແປ້ງອັດແຂງ
14. ແປງທາປາກ ຂົນແປງແໜ້ນ,ຍາວ,ປາຍຄ່ອນຂ້າງແຫລມຊ່ວຍໃນການທາສີລິບສະຕິກໄດ້ຢ່າງດີ
