ສິວຫົວດຳຕົວການຮ້າຍທີ່ເຮັດໃຫ້ໜ້າເບິ່ງໝົ່ນໝອງບໍ່ໃສຢ່າງທີ່ຕ້ອງການ ໃຜທີ່ກຳລັງເປັນຢູ່ບໍ່ຕ້ອງຄຽດ ແພຽງເຮັດຕາມ 3 ຂັ້ນຕອນນີ້
ລອງຄິດເບິ່ງວ່າຖ້າເບິ່ງໄກໆແລ້ວໜ້າເຈົ້າງາມສົມບູນແບບແຕ່ຖ້າເບີ່ງໃກ້ໆແລ້ວສິວຫົວດຳຝັງຢູ່ເຕັມໄປຫມົດ ໂດຍສະເພາະບ່ອນດັງ ທາງທີ່ດີມາກຳຈັດສິວຫົວດຳທັງຫລາຍໃຫ້ສິ້ນຊາກ ດ້ວຍ 3 ຕອນງ່າຍໆ ຮັບຮອງວ່າໜ້າໃສກັນແນ່ນອນ
ວິທີທຳອິດເລີ່ມຈາກການໃຊ້ໄອນ້ຳເຂົ້າຊ່ວຍໂດຍໃຫ້ຕົ້ມນ້ຳໃຫ້ເດືອດ ຈາກນັ້ນນຳມາໃສ່ຊາມແລ້ວເອົາໜ້າກົ້ມໃສ່ໄອນ້ຳທີ່ຂຶ້ນມາ ຫລື ວ່າຈະໃຊ້ຜ້າຂົນໜູຊຸບນ້ຳຮ້ອນມາວາງໄວ້ເທິງໃບໜ້າກໍໄດ້ ວິທີນີ້ຈະຊ່ວຍໃຫ້ສິວຫົວດຳທີ່ຝັງຢູ່ເທິງໜ້າຂອງສາວໆຫລຸດອອກມາໄດ້ງ່າຍຫລາຍຂຶ້ນ
ວິທີຕໍ່ມາຄືການສະຄຣັບໜ້າເພື່ອໃຫ້ສິວຫົວດຳຫລຸດອອກມາ ໂດຍໃຫ້ນຳຜະລິດຕະພັນສະຄຣັບຂັດຫນ້າທີ່ໃຊ້ຢູ່ມາຂັດເບົາໆໃຫ້ທົ່ວ ຖ້າຂັດແຮງລະວັງຜິວໜ້າຈະພັງໄດ້
ຖ້າຫາກຍັງເບິ່ງເຫັນສິວຫົວດຳຢູ່ເທິງໃບໜ້າຢ່າປ່ອຍໄວ້ຕ້ອງກຳຈັດໃຫ້ກ້ຽງດ້ວຍໄມ້ຕາຍສຸດທ້າຍ ນັ້ນຄືການໃຊ້ມາດດູດສິວຫົວດຳນັ້ນເອງ ລອງເລືອກມາດກ໌ດີໆ ມາທາລົງເທິງໃບໜ້າປະໄວ້ແລ້ວລ້າງອອກດ້ວຍຜ້າຂົນໜູຊຸບນ້ຳອຸ່ນ
