ສຳນັກຂ່າວຕ່າງປະເທດ ລາຍງານວ່າ ເຈົ້າໜ້າທີ່ມູນນິທິສັດໃນຫວຽດນາມ ໄດ້ເຂົ້າຊ່ວຍເຫລືອໝີຄວາຍ ຈຳນວນ 7 ໂຕ ອອກຈາກກົງເຫລັກໃນຟາມລ້ຽງໝີແຫ່ງໜຶ່ງ ຢູ່ແຂວງກວາງນິງ ໃນວັນທີ 23 ມິຖຸນາຜ່ານມານີ້ ໂດຍໝີຈຳນວນດັ່ງກ່າວ ແມ່ນຖືກລ້ຽງເພື່ອຮີດເອົານ້ຳບີ ສຳລັບຈຳໜ່າຍໃຫ້ແກ່ຜູ້ທີ່ຕ້ອງການບໍລິໂພກ ເຊິ່ງເຊື່ອວ່າມີສັບພະຄຸນຮັກສາພະຍາດຕ່າງໆ ຕາມຕຳລາຢາບູຮານຂອງຈີນ, ແຕ່ການລ້ຽງໝີເພື່ອຮີດເອົານ້ຳບີດັ່ງກ່າວນີ້ ແມ່ນຜິດຕໍ່ກົດໝາຍຂອງຫວຽດນາມ ເຮັດໃຫ້ເຈົ້າໜ້າທີ່ເຂົ້າໄປຊ່ວຍເຫລືອ ຂົນຍ້າຍໄປສູນອະນຸຮັກສັດຂອງມູນນິທິຢ່າງປອດໄພແລ້ວ.
