ຕາມການລາຍງານຂອງສຳນັກຂ່າວຕ່າງປະເທດ ລ່າສຸດໃນມື້ນີ້ (24 ມິຖຸນາ) ນີ້ວ່າ ກະຊວງສາທາລະນະສຸກ ແລະ ສະຫວັດດີການຂອງເກົາຫລີໃຕ້ ໄດ້ກວດພົບຜູ້ຕິດເຊື້ອໄວຣັດເມີສ (MERS) ເພີ່ມຂຶ້ນອີກເປັນ 4 ຄົນ ແຕ່ຍັງບໍ່ທັນມີລາຍງານຜູ້ເສຍຊີວິດເພີ່ມຕື່ມ ເຮັດໃຫ້ຍອດຜູ້ຕິດເຊື້ອດັ່ງກ່າວພາຍໃນປະເທດເກົາຫລີໃຕ້ ໄດ້ເພີ່ມຂຶ້ນເປັນ 179 ຄົນແລ້ວ ແລະ ມີຜູ້ເສຍຊີວິດ 27 ຄົນ.
ພ້ອມກັນນັ້ນ ຍັງມີຜູ້ທີ່ຖືກສົງໄສຕ້ອງໄດ້ກັກບໍລິເວນອີກ ຈຳນວນ 3,103 ຄົນ ເຊິ່ງເພີ່ມຂຶ້ນຈາກມື້ວານນີ້ ທີ່ມີຕົວເລກຢູ່ 2,805 ຄົນ ອີກທັງຍັງມີລາຍງານວ່າ ມີຜູ້ຕິດເຊື້ອຈຳນວນ 67 ຄົນ ໃນຈຳນວນ 179 ຄົນນັ້ນ ສາມາດເດີນທາງອອກຈາກໂຮງໝໍໄດ້ແລ້ວ ພາຍຫລັງໄດ້ຮັບການປິ່ນປົວຈົນເຊົາຂາດ.