spot_img
Homeຂ່າວການພັດທະນາພະແນກພະລັງງານ ແລະ ບໍ່ແຮ່ ນ.ວ ແຈ້ງຢຸດຈົກດິນຂາຍ ໃນໄລຍະລະດູຝົນ!

ພະແນກພະລັງງານ ແລະ ບໍ່ແຮ່ ນ.ວ ແຈ້ງຢຸດຈົກດິນຂາຍ ໃນໄລຍະລະດູຝົນ!

Published on

truck

ຂປລ. ພະແນກພະລັງງານແລະ ບໍ່ແຮ່ ນະຄອນຫລວງວຽງຈັນໄດ້ອອກແຈ້ງການເຖິງ ຫົວໜ້າຫ້ອງການ ພະລັງງານແລະ ບໍ່ແຮ່ປະຈຳເມືອງ, ບັນດາບໍລິສັດແລະ ຜູ້ປະກອບການທຸລະກິດຈົກດິນ ປະເພດຕ່າງໆ ໃນນະຄອນຫລວງວຽງຈັນໃຫ້ຢຸດເຊົ່າການຈົກດິນໃນໄລຍະລະດູຝົນ ນັບແຕ່ວັນທີ 30 ມິຖຸນາເຖິງ 31 ຕຸລາ 2015.

ເພື່ອເຮັດໃຫ້ການຈັດຕັ້ງປະຕິບັດ ວຽກງານຄຸ້ມຄອງດ້ານບໍ່ແຮ່ຢູ່ນະຄອນຫລວງວຽງຈັນ ມີຄວາມເປັນລະບຽບຮຽບຮ້ອຍແລະເປັນເອກະພາບ ໃນການຈັດຕັ້ງປະຕິບັດຄື: ​ໃຫ້ຢຸດເຊົາການຈົກດິນ ປະເພດຕ່າງໆ ນັບແຕ່ວັນທີ 30 ມິຖຸນາເຖິງ 31 ຕຸລາ 2015 ​ເພາະໄລຍະນີ້ເປັນລະດູຝົນເຊິ່ງການຂົນສົ່ງດິນປະເພດຕ່າງໆໄດ້ສ້າງຄວາມເປີະເປື້ອນ ແກ່ເສັ້ນທາງແລະ ທາງບາງບ່ອນບໍ່ສາມາດຮັບນ້ຳໜັກ ຂອງລົດບັນທຸກໜັກໄດ້ ຈຶ່ງພາໃຫ້ສະພາບ ເສັ້ນທາງເກີດເປັນບວກ, ​ເປັນຂຸມ, ນ້ຳຂັງ, ​ເປີະເປື້ອນແລະ ສ້າງຄວາມເສຍຫາຍ ແກ່ຊັບສິນຂອງລັດແລະ ຂອງບຸກຄົນ. ສຳລັບໂຄງ ການກໍ່ສ້າງຕ່າງໆ ທີ່ໄດ້ຮັບບູລິມະສິດ ຈາກລັດຖະບານແລະເປັນໂຄງການເລັ່ງດ່ວນ ແມ່ນໃຫ້ສ້າງແຜນການຂໍ​ ສືບຕໍ່​ຈົກ​ດິນ ພ້ອມ​ທັງ​ມີ​ຕົວ​ເລກ​ບໍລິ​ມາດ​ດິນ ທີ່​ຕ້ອງການ​ສະໜອງ​ເຂົ້າຮັບ​ໃຊ້ ​ໂຄງການ​ທັງ​ໝົດ ​ໂດຍ​ແມ່ນ​ເຈົ້າ​ຂອງ​ໂຄງການ (ຍທຂ) ​ເປັນ​ຜູ້​ຢັ້ງຢືນ ​ແລ້ວ​ສະ​ເໜີ​ມາ​ຍັງ​ພະ​ແນກພະລັງງານ ​ແລະ ບໍ່​ແຮ່ ນະຄອນຫລວງ​ວຽງ​ຈັນ ​ເພື່ອຄົ້ນຄວ້າ, ສົມທົບ​ກັບ​ຂະ​ແໜງ​ການ​ກ່ຽວຂ້ອງ​ພິຈາລະນາ.

ພ້ອມ​ ກັນ​ນີ້ ກໍ​ໄດ້​ແຈ້ງ​ໃຫ້​ຫົວໜ້າ​ພະ​ແນ​ກການ, ຫົວໜ້າ​ຫ້ອງການພະລັງງານ ​ແລະ ບໍ່​ແຮ່ ປະຈຳ​ເມືອງ​ທີ່​ຕົນ​ ໄດ້​ອອກ​ອະນຸຍາດ ​ແລະ ສະ​ເໜີ​ກຸ່ມ​ບ້ານ ​ແລະ ບ້ານ​ທີ່​ກ່ຽວຂ້ອງ​ຊ່ວຍ​ຊີ້​ນຳ, ຕິດຕາມ​ການ​ກວດກາ​ ການ​ເຄື່ອນ​ໄຫວ​ຂອງ​ບໍລິສັດ ​ແລະ ຜູ້​ປະກອບ​ການ ​ໃຫ້​ປະຕິບັດ​ຕາມ​ແຈ້ງ​ການ ​ສະບັບ​ນີ້​ຢ່າງ​ເຂັ້ມ​ງວດ, ຖ້າ​ຍັງ​ມີ​ການ​ຝ່າຝືນ ​ແລະ ລະ​ເມີດ ຂະ​ແໜງ​ການ​ກ່ຽວຂ້ອງ ​ກວດກາ​ພົບຈະ​ຖືກ​ປະຕິບັດ ຕາມ​ລະບຽບ​ກົດໝາຍ.

 

ແຫລ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...