ເກີດເຫດຈົນໄດ້ ເມື່ອເສືອທີ່ຫລຸດອອກມາຈາກສວນສັດ ໃນເມືອງຫລວງປະເທດຈໍເຈຍ ກັດຄົນຈົນເສຍຊີວິດ ກ່ອນທີ່ຕຳຫລວດຈະຕັດສິນໃຈຍິງຖິ້ມ.
ສຳນັກຂ່າວຕ່າງປະເທດ ລາຍງານໃນວັນທີ 17 ມິຖຸນາຜ່ານມານີ້ວ່າ ເສືອໂຕໜຶ່ງທີ່ຫລຸດອອກມາຈາກສວນສັດ ໃນນະຄອນຫລງບີລີຊີ ເມືອງຫລວງຂອງປະເທດຈໍເຈຍ ເນື່ອງຈາກເຫດນ້ຳຖ້ວມກະທັນຫັນ ຕັ້ງແຕ່ອາທິດກ່ອນໜ້ານີ້ ໂດຍເສືອໂຕດັ່ງກ່າວໄດ້ກັດຜູ້ຊາຍຄົນໜຶ່ງຈົນເສຍຊີວິດ ກ່ອນທີ່ເຈົ້າໜ້າທີ່ຕຳຫລວດຈະໄລ່ນຳຈົນເສືອຈົນມູມ ແລະ ຕັດສິນໃຈຍິງມັນຖິ້ມ.
ທັງນີ້ເຫດການນ້ຳຖ້ວມດັ່ງກ່າວ ແມ່ນເກີດມາຈາກຝົນຕົກໜັກ ຈົນເຮັດໃຫ້ແມ່ນ້ຳລົ້ນຕະຫລິ່ງໄຫລເຂົ້າຖ້ວມເຂດຕົວເມືອງ ເມື່ອອາທິດທີ່ຜ່ານມາ ສົ່ງຜົນເຮັດໃຫ້ມີຜູ້ເສຍຊີວິດ 13 ຄົນ ສູນຫາຍ 6 ຄົນ ແລະ ມີປະຊາຊົນຢ່າງໜ້ອຍ 40 ຄອບຄົວ ຕ້ອງສູນເສຍເຮືອນຂອງຕົນ.
ເຫດການນ້ຳຖ້ວມຄັ້ງນີ້ ຍັງເຮັດໃຫ້ສັດຫລາຍສິບໂຕເຊັ່ນ: ສິງ, ເສືອ, ຊ້າງບນ້ຳ ແລະ ໝີ ຫລຸດອອກຈາກສວນສັດ ຈົນເຮັດໃຫ້ທາງການຕ້ອງໄດ້ປະກາດເຕືອນປະຊາຊົນ ໃຫ້ອາໄສຢູ່ແຕ່ໃນເຮືອນ ໃນຂະນະທີ່ສັດອີກຫລາຍຮ້ອຍໂຕພາຍໃນສວນສັດ ຕ້ອງຈົມນ້ຳຕາຍ.