ສຳນັກຂ່າວຕ່າງປະເທດ ລາຍງານໃນວັນທີ 16 ມິຖຸນາຜ່ານມານີ້ວ່າ ຄະນະກຳມາທິການປົກປ້ອງສິດທິຄວາມເປັນສ່ວນຕົວຂອງແບນຊິກ  (Commission for the Protection of Privacy) ໄດ້ຍື່ນຟ້ອງເຟສບຸກ ຕໍ່ສານແພ່ງແຫ່ງນະຄອນຫລວງບຣຸກແຊນ ໃນຂໍ້ຫາຕິດຕາມຂໍ້ມູນສ່ວນຕົວຂອງຜູ້ໃຊ້ອິນເຕີເນັດ ທັງທີ່ບໍ່ໄດ້ບັນຊີຜູ້ໃຊ້ນຳເຟສບຸກແຕ່ປະການໃດ ເຊິ່ງນາງ ຊາຣ່າ ບູເລຊາ ໂຄສົກຂອງຄະນະກຳມະການປົກປ້ອງສິດທິຄວາມເປັນສ່ວນຕົວຂອງແບນຊິກ ໄດ້ກ່າວວ່າ ສານໄດ້ຮັບຄຳຟ້ອງ ແລະ ຈະເລີ່ມຕົ້ນພິຈາລະນາຄະດີ ໃນມື້ວັນພະຫັດທີ 18 ມິຖຸນານີ້.

ທັງນີ້ ການພິຈາລະນາຄະດີດັ່ງກ່າວ ແມ່ນຈະໄດ້ມີການກວດສອບເສຍກ່ອນວ່າ ສານແບນຊິກມີອຳນາດໃນການພິຈາລະນາຄະດີກັບເຟສບຸກ ຫລື ບໍ່ ເນື່ອງຈາກສຳນັກງານໃຫຍ່ຂອງເຟສບຸກເອີຣົບ ແມ່ນຕັ້ງຢູ່ນະຄອນຫລວງດັບລິນ ປະເທດອຽກລັງ ເຊິ່ງເຟສບຸກເອງ ກໍຍອມຮັບການກວດສອບ ໂດຍຄະນະກຳມາທິການປົກປ້ອງຄວາມເປັນສ່ວນຕົວຂອງອຽກລັງ ແລະ ຢູ່ພາຍໃຕ້ຜົນບັງຄັບຕາມກົດໝາຍອຽກລັງເທົ່ານັ້ນ.