ຍາທ່ານ ຄຳຕັນ ວໍຣະຣາດ ເປັນຄົນເມືອງທຸລະຄົມ ບ້ານຢູ່ໃກ້ໆ ກັບພູເຂົາຄວາຍ ທ່ານບາດເປັນສາມະເນນ ຕັ້ງແຕ່ອາຍຸ 13 ປີ ແລະກໍຢູ່ໃນພູເຂົາສັກສິດ(ພູເຂົ້າຄວາຍ) ມາຕັ້ງແຕ່ນ້ອຍ ໂດຍທ່ານຢູ່ກັບ ຍາທ່ານເພັດ ຫຼ້າສຸດເປັນເປັນເຈົ້າອາວາດວັດດົງປ່າລານ ແລະວັດປ່າພູເຂົາຄວາຍ, ເປັນທີ່ປຶກສາ ອົງການພຸດທະສາດສະໜາສຳພັນລາວ ສູນກາງ, ແລະຈະທຽວຂຶ້ນໄປວັດປ່າ ພະບາດພູເຂົາຄວາຍ ເປັນໄລຍະໆ. ມໍຣະນະພາບ ໃນວັນທີ່ 14/06/2015(2558) ເວລາ 20:40 ນາທີ ລວມອາຍຸ 97 ປີ.
ຫລວງປູ່ຄຳຕັນ ວໍຣະຣາຊ ແມ່ນເປັນຜູ້ນຳພາສ້າງວັດປ່າພຣະບາດພູເຂົາຄວາຍ ເຊິ່ງຕາ່ມຄວາມເຊື່ອຂອງຜູ້ສັດທາໃນເລື່ອງຂອງໄສຍະສາດໄດ້ເຊື່ອວ່າ ພູເຂົາຄວາຍ ເປັນສະຖານທືີ່ສັກສິດ ມີຖ້ຳຄູຫານ້ອຍໃຫຍ່ສະຫລັບຊັບຊ້ອນໄປມາຢ່າງລຶກລັບ ແລະ ງຽບສະຫງົບ ໂດຍເປັນສະຖານທີ່ຢູ່ອາໄສ ສຳລັບຜູ້ທີ່ຕ້ອງການບຳເພັນພຽນຝຶກຈິດຂອງບັນດາພະທຸດົງ ແລະ ເຫລົ່າຜູ້ສະແຫວງບຸນທັງຫລາຍ ແລະ ເປັນຈຸດໝາຍສູງສຸດຂອງບັນດາຈອມຂະມັງເວດ ທີ່ຕ້ອງການເດີນທາງມາ ເພື່ອສຶກສາຄາຖາວິຊາອາຄົມ ແລະ ເວດມົນຕ່າງໆ.