ນ້ຳຖ້ວມໜັກ ນະຄອນຫລວງບີລີຊີ ຂອງຈໍເຈຍ ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 12 ຄົນ ແລະ ສູນຫາຍຫລາຍກ່ວາ 24 ຄົນ ອີກທັງຍັງມີສັດໜີອອກຈາກສວນສັດອີກຫລາຍໂຕ.
ສຳນັກຂ່າວຕ່າງປະເທດ ລາຍງານໃນວັນທີ 15 ມິຖຸນານີ້ວ່າ ເຫດການນ້ຳຖ້ວມຄັ້ງໃຫຍ່ໃນຈໍເຈຍ ໄດ້ເຮັດໃຫ້ຖະໜົນຫລາຍສາຍກາຍເປັນແມ່ນ້ຳ ຂະນະທີ່ໜ່່ວຍກູ້ໄພ ໄດ້ເຂົ້າຊ່ວຍເຫລືອອົບພະຍົບປະຊາຊົນຜ່ານທາງອາກາດ ໂດຍອຸທົກກະໄພຄັ້ງນີ້ ໄດ້ເຮັດໃຫ້ສັດຫລາຍໂຕຫລຸດອອກມາຈາກສວນສັດ ແລ້ວເຂົ້າມາໃນບໍລິເວນນະຄອນຫລວງບິລີຊີ ເຊິ່ງນາຍົກລັດຖະມົນຕີຈໍເຈຍ ໄດ້ອອກປະກາດຂໍໃຫ້ປະຊາຊົນຢູ່ແຕ່ພາຍໃນທີ່ພັກ ໂດຍມີສັດປ່າອັນຕະລາຍອອກມາຍ່າງເລາະຕາມຕົວເມືອງ ເຊິ່ງເຈົ້າໜ້າທີ່ໄດ້ເລັ່ງຕາມລ່າສັດອັນຕະລາຍ ເພື່ອຈັບເຂົ້າສວນສັດຄືນໄດ້ບາງສ່ວນ ແລະ ບາງສ່ວນກໍຈຳເປັນຈະຕ້ອງຍິງໃຫ້ຕາຍ. ໃນນັ້ນສັດທີ່ຫລຸດອອກມາ ແມ່ນປະກອບມີໝາປ່າ 20 ໂຕ, ສິງໂຕ 8 ໂຕ ອີກທັງຍັງມີເສືອ, ໝາໄນ ແລະ ອື່ນໆອີກ.
