ສາວໆເຄີຍສົງໄສກັນນຳບໍ່ວ່າໄລຍະນີ້ເທນກະແສບິວຕີ້ເປັນຫຍັງເຖິງເວົ້າເຖິງ“ຊີຊີຄີມ”ກັນຢູ່ເລື້ອຍໆແລະຕົວຊີຊີຄີມນີ້ມັນຄືຫຍັງໃຊ້ໃນເລື່ອງຄວາມງາມຄວາມງາມຢ່າງໃດໄດ້ນຳເອົາເປັນວ່າສຳລັບເຈົ້າສາວໆທີ່ຢາກຮູ້ຄຳຕອບນີ້ມາເລີ່ມເຮັດຄວາມເຂົ້າໃຈກັນໄປພ້ອມໆກັນເລີຍໂດຍ ຊີຊີຄີມ (CC Cream) ທີ່ວ່ານີ້ ຫຍໍ້ມາຈາກ Color Control Cream ເປັນຕົວທີ່ພັດທະນາມາຈາກ ບີບີຄີມ (BB Cream) ໂດຍຊື່ກໍບອກຢູ່ແລ້ວວ່າເປັນຕົວໃຊ້ສຳລັບຄວບຄຸມສີຜິວລວມໄປເຖິງເປັນຄີມທີ່ພັດທະນາມາຈາກບີບີຄີມດັ່ງນັ້ນຄຸນສົມບັດໃນການປ້ອງກັນແດດແລະບຳລຸງຜິວຂອງຊີຊີຄີມຈຶ່ງບໍ່ໄດ້ແຕກຕ່າງຈາກບີບີຄີມທີ່ສາວໆໃຊ້ກັນຢູ່ທຸກມື້ນີ້ເລີຍ
ສຳລັບຊີຊີຄີມນັ້ນຈະມີລັກສະນະເນື້ອຄີມທີ່ບາງເບົາເນື້ອຄີມຈະອອກເປັນສີຂາວເຮັດຫນ້າທີ່ຫລັກໃນການປັບໂທນສີຜິວຊຶ່ງຮຽກໄດ້ວ່າເປັນຄີມທີ່ສາມາດຕອບໂຈດໃນເລື່ອງຜິວທີ່ມີຫລາກຫລາຍເສດສີຂອງສາວສາວໄດ້ເປັນຢ່າງດີເພາະຕົວຊີຊີຄີມນີ້ຈະມີສານຄວບຄຸມສີຜິວທີ່ປະສົມຢູ່ໃນພາຍຄີມ ເຖິງແມ່ນເນື້ອຄີມຈະເປັນສີຂາວແຕ່ຖ້າຫາກເອົາມາໃຊ້ທາເທິງໃບໜ້າເນື້ອຄີມກໍຈະປ່ຽນສີກາຍເປັນສີເນື້ອບາງເບົາທີ່ເຂົ້າໄດ້ກັບເສດສີຜິວຂອງແຕ່ລະຄົນນອກຈາກນີ້ກໍຍັງຈະຊ່ວຍປັບສີຜິວໃຫ້ເບີ່ງສະມ່ຳສະເໝີລຽບນຽນເທົ່າກັນແລະແລເບິ່ງຂາວນຽນເປັນທຳມະຊາດຫລາຍຂຶ້ນຊຶ່ງຄຸນສົມບັດນີ້ແຫລະທີ່ຮຽກໄດ້ວ່າຖືກເອິກຖືກໃຈສາວໆກັນຍົກໃຫຍ່ແລະຈຶ່ງເຮັດໃຫ້ຊີຊີຄີມກາຍເປັນເທນໃໝ່ມາແຮງທີ່ສາວໆ ນິຍົມໃຊ້ກັນຢູ່ໃນທຸກມື້ນີ້
ສາວໆກໍຄົງຫາຍສົງໄສກັນແລ້ວແມ່ນບໍ່ວ່າຊີຊີຄີມທີ່ຫລາຍໆຄົນເວົ້າເຖິງນັ້ນມັນຄືຫຍັງແລະມີຫນ້າທີ່ຊ່ວຍໃນເລື່ອງຄວາມງາມແນວໃດໄດ້ນຳຊຶ່ງສະຫລຸບງ່າຍໆກໍຄືເປັນຄີມທີ່ຈະຊ່ວຍປັບສະພາບຜິວຂອງສາວໆໃຫ້ສະຫວ່າງໃສແລະລຽບນຽນຫລາຍຍິ່ງຂຶ້ນແລະບໍ່ວ່າສີຜິວຂອງສາວໆຈະເປັນເສດສີໃດຊີຊີຄີມກໍສາມາດທີ່ຈະປັບສະພາບສີຜິວໃຫ້ລຽບສະມ່ຳສະເໝີຂຶ້ນໄດ້ແຕ່ຖ້າຫາກເວົ້າເຖິງເລື່ອງການປົກປິດ ຊີຊີຄີມນັ້ນສາມາດປົກປິດໄດ້ໃນລະດັບບາງເບົາເທົ່ານັ້ນດັ່ງນັ້ນເຈົ້າສາວໆຈຶ່ງຄວນເລືອກໃຊ້ໃຫ້ເໝາະກັບສະຖານນະການ