ເດັກນ້ອຍຫວຽດນາມຜູ້ນີ້ ເກີດມາໜ້າຕາສວຍງາມ ເສຍດາຍແຕ່ບໍ່ສົມບູນເລື່ອງຕີນມື ມີຜູ້ບອກວ່າເປັນສາເຫດມາຈາກ ແມ່ຂອງເຂົາໄດ້ຮັບສານເຄມີຝົນເຫຼືອງ ທີ່ຕົກຄ້າງມາແຕ່ປາງສົງຄາມ ໂດຍຝ່າຍອາເມລິກາໂຮຍໃສ່ປ່າໄມ້ ເພື່ອໃຫ້ປ່າໄມ້ຕາຍຈະໄດ້ບໍ່ເປັນບ່ອນລີ້ຊ່ອນ ຂອງກອງທັບຫວຽດນາມເໜືອ. ນາງນ້ອຍຜູ້ນີ້ເກີດໄດ້ 10 ເດືອນ ພໍ່ຂອງເຂົາກໍເສຍຊີວິດຍ້ອນອຸບັດເຫດ ທາງທ້ອງຖະໜົນ ເຫຼືອແມ່ຄົນດຽວທີ່ຄອຍຫາເງິນລ້ຽງ ແລະເຂົາເອງກໍພະຍາຍາມດິ້ນຮົນ ເພື່ອໃຫ້ຢູ່ລອດໃນສັງຄົມໄດ້ ເຊິ່ງສາມາດເປັນແບບຢ່າງຄົນສູ້ຊີວິດ ໃຫ້ກັບຜູ້ຄົນທີ່ກຳລັງພົບອຸປະສັກໃນຊີວິດ ທີ່ບໍ່ໄດ້ດັ່ງໃຈ.
