spot_img
Homeເກາະຕິດກິລາຊີເກມເປຕັງຄວ້າອີກ 2 ຫຼຽນທອງໃຫ້ທັບນັກກິລາລາວໃນຊີເກມຄັ້ງທີ 28 ທີ່ສິງກະໂປ

ເປຕັງຄວ້າອີກ 2 ຫຼຽນທອງໃຫ້ທັບນັກກິລາລາວໃນຊີເກມຄັ້ງທີ 28 ທີ່ສິງກະໂປ

Published on

ນັກກິລາເປຕັງທີມຊາດລາວປະເພດຊາຍ-ຍິງດ່ຽວຄວ້າມາໄດ້ພຽງ2 ຫຼຽນທອງ ໃນການແຂ່ງຂັນກິລາເປຕັງງານມະຫາກຳກິລາຊີເກມຊີເກມຄັ້ງທີ 28 ທີ່ປະເທດສິງກະໂປຫຼັງຈາກທີ່ໃນຮອບຮອງຊະນະເລີດຫຼືຮອບຊີງຫຼຽນເງິນທ້າວພຸດທະດາ ແກ້ວການນິກາ ພາດທ່າເສຍໃຫ້ນັກກິລາທີມຊາດມາເລເຊຍ ໃນຂະນະທີ່ ນາງໂບວິລັກ ເທບພະກັນ ກໍ່ເສຍໃຫ້ນັກກິລາທີມຊາດປະເທດກຳປູເຈຍເຊັ່ນກັນ.

ເມື່ອຕອນເຊົ້າວັນທີ 8 ມິຖຸນາຜ່ານມາທີ່ສະໜາມກິລາປາເດັງປະເທດສິງກະໂປ, ກິລາເປຕັງ ຊີເກມ ຄັ້ງທີ 28 ໄດ້ສືບຕໍ່ແຂ່ງຂັນໃນປະເພດຊາຍ-ຍິງດ່ຽວຮອບຮອງຊະນະເລີດຫຼືຮອບ 4 ຄົນສຸດທ້າຍ. ສໍາລັບປະເພດຊາຍດ່ຽວທ້າວພຸດທະດາ ແກ້ວການນິກາ ຈາກສປປ ລາວພົບກັບທ້າວ ມູຮາ ຟິຊູດດິນ ນັກກິລາທີມຊາດມາເລເຊຍ, ຜ່ານການແຂ່ງຂັນຜົນປະກົດວ່າທ້າວ ພຸດທະດາ ແກ້ວການນິກາ ເສຍໃຫ້ນັກກິລາທີມຊາດມາເລເຊຍ 3-13 ຄະແນນຈຶ່ງໄດ້ພຽງຫຼຽນທອງມາຄອງ. ທັງນີ້, ສຳລັບການແຂ່ງຂັນໃນຮອບຄັດເລືອກທ້າວພຸດທະດາ ແມ່ນຊະນະເຖິງ 7 ຈາກ 9 ນັດ, ຊະນະນັກກິລາທີມຊາດມາເລເຊຍ 13-5ຄະແນນ, ເສຍໃຫ້ນັກກິລາທີມຊາດໄທ 7-13ຄະແນນ, ຊະນະນັກກິລາທີມຊາດບຣູໄນ 13-12ຄະແນນ, ຊະນະນັກກິລາທີມຊາດກຳປູເຈຍ 13-9ຄະແນນ, ຊະນະນັກກິລາທີມຊາດຟິລິບປິນ 13-7ຄະແນນ, ຊະນະນັກກິລາທີມຊາດອິນໂດເນເຊຍ 13-3ຄະແນນ, ເສຍໃຫ້ນັກກິລາທີມຊາດຫວຽດນາມ 7-13ຄະແນນ, ຊະນະນັກກິລາທີມຊາດສິງກະໂປເຈົ້າພາບ 13-6ຄະແນນແລະຊະນະມຽນມາ 13-3 ຄະແນນ.

ສ່ວນປະເພດຍິງດ່ຽວນາງ ໂບວິລັກ ເທບພະກັນ ນັກກິລາເປຕັງທີມຊາດລາວລົງແຂ່ງຂັນໃນຮອບຮອງຊະນະເລີດກໍ່ພາດທ່າເສຍໃຫ້ນາງ ສະຣີຍາອັນ ນັກກິລາທີມຊາດປະເທດກຳປູເຈຍ 5-13 ຄະແນນໄດ້ພຽງຫຼຽນທອງມາຄອງເຊັ່ນກັນ, ໂດຍໃນຮອບຄັດເລືອກ “ໂບວິລັກ ເທບພະຈັນ”ຊະນະເຖິງ 6 ຈາກ 8 ນັດເຊິ່ງເສຍໃຫ້ນັກກິລາທີມຊາດກຳປູເຈຍ 7-13 ຄະແນນ , ຊະນະນັກກິລາທີມຊາດຫວຽດນາມ 13-6ຄະແນນ, ເສຍໃຫ້ນັກກິລາທີມຊາດໄທ 4-13ຄະແນນ, ຊະນະນັກກິລາທີມຊາດສິງກະໂປເຈົ້າພາບ 13-6ຄະແນນ, ຊະນະນັກກິລາທີມຊາດຟິລິບປິນ 13-1ຄະແນນ, ຊະນະນັກກິລາທີມຊາດມາເລເຊຍ 13-7ຄະແນນ, ຊະນະນັກກິລາທີມຊາດມຽນມາ 13-9ຄະແນນແລະຊະນະນັກກິລາທີມຊາດອິນໂດເນເຊຍ 13-8 ຄະແນນ.

ເຖິງຢ່າງໃດກໍ່ຕາມ, ມາຮອດວັນທີ 8 ມິຖຸນາ 2015 ທັບນັກກິລາເປຕັງທີມຊາດລາວ ກໍ່ຍາດມາໄດ້ແລ້ວ 4 ຫຼຽນທອງ ໂດຍໄດ້ຈາກປະເພດຊຸດຕິ້ງຍິງ-ຊາຍ 2ຫຼຽນທອງ ແລະ ປະເພດຊາຍ-ຍິງດ່ຽວ 2 ຫຼຽນທອງ.

11401405_866078600096454_6566720800392721830_n

ຂອບໃຈຂ່າວແລະພາບ: ລູກນ້ຳເຊ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...