ລົດບັນທຸກໂດຍສານນັກຮຽນ ປະສົບອຸບັດເຫດຕົກເຫວເທິງສັນພູແອນດິດ ມີຜູ້ເສຍຊີວິດເຖິງ 17 ຄົນ ໂດຍສ່ວນໃຫຍ່ແມ່ນເປັນເດັກນ້ອຍ ພ້ອມມີຜູ້ໄດ້ຮັບບາດເຈັບອີກ 54 ຄົນ.

ສຳນັກຂ່າວຕ່າງປະເທດ ລາຍງານໃນວັນທີ 9 ມິຖຸນານີ້ວ່າ ເຫດການດັ່ງກ່າວເກີດຂຶ້ນໃນວັນທີ 7 ມິຖຸນາຜ່ານມານີ້ ໂດຍມີລົດບັນທຸກຂອງອົງການປົກຄອງທ້ອງຖິ່ນ Cahuac ເຊິ່ງເປັນເມືອງນ້ອຍໆຕັ້ງຢູ່ຫ່າງຈາກນະຄອນຫລວງລິມາ ປະເທດເປຣູ ໄປທາງພາກຕາເວັນອອກສຽໜງເໜືອ ປະມານ 260 ກິໂລແມັດ ໂດຍລົດບັນທຸກຄັນດັ່ງກ່າວ ໄດ້ແກ່ເດັກນ້ອຍຈຳນວນຫລາຍສິບຄົນ ເພື່ອໄປຮ່ວມງານສວນສະໜາມ ໃນເມືອງເອກຂອງແຂວງ ເນື່ອງໃນວັນປະຕິຍານຕົນຕໍ່ທຸງຊາດ ແຕ່ໄດ້ເກີດອຸບັດຕິເຫດ ຕົກລົງເຫວສູງກ່ວາ 100 ແມັດ ເສຍກ່ອນ.

ເບື້ອງຕົ້ນແມ່ນເຈົ້າໜ້າທີ່ໄດ້ກ່າວວ່າ ສາເຫດທີ່ພາໃຫ້ເກີດອຸບັດເຫດອັນໜ້າສະຫລົດໃຈດັ່ງກ່າວນີ້ ແມ່ນເກີດຈາກສະພາບຖະໜົນທີ່ບໍ່ດີ ແລະ ການຕັດສິນໃຈທີ່ຜິດພາດຂອງໂຊເຟີຂັບລົດ.