ຕອນເຊົ້າ ວັນທີ 8 ມິຖຸນາ 2015 ຢູ່ນະຄອນຫຼວງວຽງຈັນ ໄດ້ມີຝົນຕົກໃນລະດັບປານກາງ ໃນເວລາປະມານ 6-8 ໂມງ ເຮັດໃຫ້ເກີດບັນຫານ້ຳຖ້ວມຂັງ ຫຼາຍຈຸດໃນນະຄອນຫຼວງວຽງຈັນ ໂດຍສະເພາະແມ່ນຈຸດໄຟແດງ ທາດຫຼວງ ແລະສາມແຍກຄ້ອຍໄຟຟ້າໂພນຕ້ອງ ໂດຍບາງແຫ່ງນ້ຳອັ່ງສູງໃນລະດັບ 50-80 ຊັງຕີແມັດ ສົ່ງຜົນໃຫ້ຜູ້ສັນຈອນ ໄດ້ຮັບຄວາມລຳບາກ ເກີດບັນຫາລົດຕິດລົດອັ່ງພໍສົມຄວນ. ວອນພາກສ່ວນທີ່ກ່ຽວຂ້ອງເລັ່ງມື ແກ້ໄຂບັນຫາດັ່ງກ່າວຢ່າງເລັ່ງດ່ວນ ກ່ອນຈະເຖິງລະດູທີ່ຝົນຕົກໜັກ.
