ກະແສຂ່າວທາງສື່ສັງຄົມອອນລາຍນ໌ ກຳລັງມາແຮງເມື່ອມີຜູ້ໂພສຮູບພະສົງ ສາມະເນນກຳລັງຊ່ວຍກັນສ້າງທາງ ຂຶ້ນວັດແຫ່ງໜຶ່ງໃນແຂວງຈຳປາສັກ ຕາມຂໍ້ມູນຜູ້ຮູ້ບອກວ່າ ແມ່ນທາງຂຶ້ນວັດພູມະໂລງ, ບ້ານຫົວປາຄໍ່, ເມືອງຈຳປາສັກ ເຊິ່ງເປັນຮູບພາບທີ່ຜູ້ພົບເຫັນຕ່າງກໍອະນຸໂມທະນາສາທຸກັບກິດດັ່ງກ່າວ ເຖິງແມ່ນວ່າບາງຄົນເບິ່ງວ່າບໍ່ແມ່ນກິດຂອງສົງ ແຕ່ 99.99%ຂອງຄົນທີ່ປະກອບຄຳເຫັນ ເວົ້າວ່າເປັນເລື່ອງທີ່ໜ້າຊື່ນຍົມ ແລະອະນຸໂມທະນາ ແລະບໍ່ເຫັນວ່າເປັນເລື່ອງຜິດກິດຂອງສົງແຕ່ປະການໃດ ກົງກັນຂ້າມຍັງເປັນເລື່ອງດີອີກດ້ວຍ.