“ສິງກະໂປ” ເຖິງຈະເປັນປະເທດທີ່ເປັນເກາະນ້ອຍໆ ທີ່ມີພື້ນທີ່ ພຽງ 716.1 ກິໂລຕາແມັດ, ແຕ່ເປັນປະເທດທີ່ມີຄວາມທັນສະໄໝ, ມີຄວາມຈະເລີນທາງດ້ານເຕັກໂນໂລຢີ ແລະ ຊີວິດການເປັນຢູ່ຂອງຄົນສິງກະໂປ ຫລື ຄຸນນະພາບຊີວິດຂອງພວກເຂົາບໍ່ແຕກຕ່າງຈາກຄົນໃນແຖບຢູໂຣບ ຫລື ອາເມລິກາເລີຍ.
“ພູມອາກາດ” ສິງກະໂປ ຢູ່ໃກ້ເສັ້ນສູນສູດ ຈຶ່ງມີອາກາດຮ້ອນຊຸ່ມຕະຫລອດທັງປີ, ອຸນຫະພູມໂດຍສະເລ່ຍ ປະມານ 26 ອົງສາເຊວຊຽດສ໌, ຂ້ອນຂ້າງມີຝົນຕົກຫລາຍ  ແລະ ສິງກະໂປ ໄດ້ຮັບອິດທິພົນຈາກທະເລ ເຮັດໃຫ້ອາກາດ ບໍ່ຮ້ອນຈັດ ລະຫວ່າງເດືອນ ພະຈິກ ເຖິງເດືອນ ມັງກອນ ເປັນໄລຍະທີ່ລົມມໍລະສຸມຕາເວັນອອກ ສ່ຽງເໜືອ ພັດຜ່ານ. ໃນໄລຍະນີ້ອາກາດຈຶ່ງຂ້ອນຂ້າງເຢັນ.

“ປະຊາກອນ” ເປັນປະເທດທີ່ມີປະຊາກອນ ໜາແໜ້ນທີ່ສຸດ ໃນພູມີພາກ ແລະ ເປັນປະເທດທີ່ນ້ອຍສຸດ ໃນພູມີພາກ ແລະ ເປັນ ອັນດັບ 2 ຂອງໂລກ ທີ່ມີປະຊາກອນໜາແໜ້ນຖ້າທຽບໃສ່ພື້ນທີ່ທີ່ມີປະຊາກອນ 5,399 ລ້ານຄົນ (2014) ປະກອບດ້ວຍຊາວຈີນ 76,5%, ມາເລ 13,8%, ອິນເດຍ 8,1%  ແລະ  ອື່ນໆອີກ 1,6%.

“ວັດທະນະທຳ” ເນື່ອງຈາກສິງກະໂປ ມີຫລາຍເຊື້ອຊາດ ເຮັດໃຫ້ຊາວສິງກະໂປ ນັບຖືສາດສະໜາທີ່ແຕກຕ່າງກັນ ເຊັ່ນ: ສາດສະໜາພຸດ, ຮິນດູ, ຄຣິສຕຽນ ແລະ ລັດທິ ເຕົ໋າ.

ສະກຸນເງິນ: ໂດລາ ສິງກະໂປ(SGD)
ພາສາທາງການ:  ອັງກິດ
ປະທານາທິບໍດີ:  ໂທນີ ຕັນ
ນາຍົກລັດຖະມົນຕີ:  ລີຊຽນ ຫລຸງ
ສະຖານທີ່ທ່ອງທ່ຽວ: ເຊັນໂຕຊາ, ສວນສັດສິງກະໂປ, ໄນ ຊາຟາຣີ ເປັນຕົ້ນ