spot_img
Homeຂ່າວການພັດທະນາຄົນຂໍທານໃນ​ຕົວ​ເມືອງ! ຂະແໜງແຮງງານ ແລະ ສະຫວັດດີການສັງຄົມ ​​ຕ້ອງ​ໄດ້​ເລັ່ງ​ແກ້​ໄຂ!

ຄົນຂໍທານໃນ​ຕົວ​ເມືອງ! ຂະແໜງແຮງງານ ແລະ ສະຫວັດດີການສັງຄົມ ​​ຕ້ອງ​ໄດ້​ເລັ່ງ​ແກ້​ໄຂ!

Published on

bm82l22h copy

ໃນ​ໄລຍະ​ຜ່ານ​ມາ, ບັນຫາ​ຄົນ​ຂໍທານ​ໃນ​ຕົວ​ເມືອງ ​ໂດຍ​ສະ​ເພາະ​ຢູ່​ນະຄອນ ຫລວງ​ວຽງຈັນ ​ໄດ້​ເກີດມີ​ມາ​ຫລາຍ​ປີ ​ແລະ ຕົກ​ມາ​ປີ​ນີ້ ສະພາບ​ດັ່ງກ່າວ ​ເຫັນ​ວ່ານັບ​ມື້​ແຜ່​ຫລາຍ ​ແລະ ໜາ​ຕາອັນ​ໄດ້​ສ້າງ​ພາບ​ພົດ​ບໍ່​ຈົບງາມ​ໃຫ້​ແກ່​ຕົວ​ເມືອງ ​ແລະ ພວມ​ກາຍ​ເປັນ​ບັນຫາ​ແກ້​ໄຂ​ຍາກ.

ສະພາບ​ດັ່ງກ່າວ​ໃນ​ຜ່ານ​ມາ, ທາງ​ພາກສ່ວນ​ກ່ຽວຂ້ອງ​ເຄີຍ​ໄດ້​ນຳ​ພວກ​ເຂົາ​ໄປ​ສຶກສາ​ອົບຮົມ ​ແລະ ບອກສອນ​ຫາ​ທາງ​ອອກ​ທີ່​ດີ​ໃຫ້​ກຸ່ມ​ຄົນ​ຂໍທານ​ເຫລົ່າ​ນັ້ນ​ໄປ​ທຳ​ມາ​ຫາ​ກິນ​ດ້ວຍ​ຄວາມ​ຊື່ສັດ​ຕາມ​ເຫື່ອ​ແຮງ ​ແລະ ຄວາມ​ສາມາດ​ຂອງ​ຕົນ, ​ແຕ່​ມາ​ເບິ່ງ​ແລ້ວສະ ພາບ​ການ​ຂໍທານ​ໃນ​ຕົວ​ເມືອງ, ສ່ວນ​ໃຫຍ່​ແມ່ນ​ຄົນ​ມາ​ຈາກ​ທ້ອງ​ຖິ່ນ​ຕ່າງໆ, ຊຶ່ງ​ເລີ່​ມ​ແຕ່​ເດັກນ້ອຍຍິງ-ຊາຍ​ໄປ​ເຖິງ​ຄົນ​ເຖົ້າ​ແກ່​ຊະລາ, ບາງ​ກໍລະນີ​ກໍ​ພາກັນ​ມາ​ເປັນ​ຄອບຄົວ​ອຸ້ມ​ລູກ​ເຕົ້າ​ເລາະ​ຕາມ​ສະຖານ​ທີ່​ຕ່າງໆ, ຕາມ​ສະຖານ​ທີ່​ຫົນທາງ,ຕະຫລາດ, ​ເຮືອນ​ຊານ​ບ້ານ​ຊ່ອງ​ຂອງ​ປະຊາຊົນ ​ແລະ ຮ້າຍ​ແຮງ​ໄປ​ກວ່າ​ນັ້ນ ກໍ​ພາ​ລູກ​ເຕົ້າ​ເດັກນ້ອຍ ຜູ້​ໄຮ້​ດຽງສາ​ຍ່າງ​ເຂົ້າ​ຮ້ານ​ອາຫານ, ຮ້ານ​ກິນດື່ມ ຫລື ພາກັນ​ນັ່ງ​ຕາມ​ຮົ່ມ​ໄມ້​ແຄມ​ທາງ ​ເພື່ອ​ຂໍທານ​ກັບ​ນັກ​ທ່ອງ​ທ່ຽວ​ທີ່​ຍ່າງ​ໄປມາຢ່າງ​ບໍ່​ມີ​ຄວາມ​ຈົງ​ຈຽງ ​ເມື່ອ​ຕົກ​ຢູ່​ໃນ​ສະພາບ​ຄື​ແນວ​ນີ້​ສັງຄົມ​ໄດ້​ມີ​ຫລາຍ​ຄວາມ​ຄິດ ​ເພື່ອ​ຂໍ​ໃຫ້​ພາກສ່ວນ​ກ່ຽວຂ້ອງ​ຊອກ​ຫາ​ທາງ​ອອກ ​ໂດຍສະ​ເພາະ ​ແມ່ນ​ຂະ​ແໜງ​ສະຫວັດ​ດີກາ​ນສັງຄົມ, ຕ້ອງ​ເປັນ​ຫລັກ​ໃນ​ການ​ແກ້​ໄຂ, ​ເຊິ່ງຄົນ​ຂໍທານ​ສ່ວນ​ຫລາຍ​ມັກ​ຈະ​ອ້າງ​ວ່າ​ມາ​ຈາກ​ເມືອງ​ປະທຸມ​ພອນ ​ແຂວງ​ສະຫວັນ​ນະ​ເຂດ. ​ເມື່ອ​ເຂົ້າ​ມານະ​ຄອນ​ຫລວງ​ວຽງ​ຈັນ​ແລ້ວ ພວກ​ເຂົາ​ຈະ​ອາ​ໄສ​ວັດວາ​ເປັນ​ບ່ອນ​ຫລັບ​ນອນ​ຍາມ​ຄ່ຳ​ຄືນ​ຕອນ​ເຊົ້າ ກໍ​ຊອກ​ເລາະ​ຂໍທານ​ໄປ ​ແລະ ພວກ​ຂໍທານ​ນີ້ ບໍ່​ສະ​ເພາະ​ແຕ່​ມາ​ຈາກ​ແຂວງ​ສະຫວັນ​ນະ​ເຂດ ຊຶ່ງ​ຈຳນວນ​ໜຶ່ງ​ກໍ​ມາ​ຈາກ​ເມືອງ​ອ້ອມ​ຂ້າງ​ນະຄອນຫລວງ​ວຽງ​ຈັນກໍ​ມີ. ຕໍ່​ບັນຫານີ້ ​ເຫັນ​ວ່າ​ເຖິງ​ເວລາ​ທີ່​ຂະ​ແໜງ​ການ​ກ່ຽວຂ້ອງ​ຈະ​ຊອກ​ວິທີ​ການ​ແກ້​ໄຂ​ໃນ​ທາງ​ທີ່​ເໝາະ​ສົມ ​ແລະ ຈັດ​ສົ່ງ​​ເຂົາ​ເຈົ້າ​ຄືນ​ໃຫ້​ອຳນາດ​ການ​ປົກຄອງ​ບ່ອນ​ເຂົາ​ຢູ່​ອາ​ໃສ​ ​ເພື່ອຄຸ້ມ​ຄອງ ​ແລະ ມີ​ວິທີ​ແກ້​ໄຂ ​ເພື່ອ​ສ້າງ​ນະຄອນຫລວງ​ວຽງຈັນ ​ໃຫ້​ມີ​ຄວາມ​ຟົດ​ຟື້ນ​ທີ່​ດີ ​ເພື່ອ​ຂ່ຳນັບ​ຮັບ​ຕ້ອນ​ວັນ​ສະຖາປະນາ ສປປ ລາວ ຄົບຮອບ 40 ປີ, ​ກອງ​ປະຊຸມ​ໃຫຍ່​ຄັ້ງ​ທີ 10 ຂອງ​ພັກ ​ແລະ ການ​​ເປັນ​ເຈົ້າພາບ​ຈັດ​ກອງ​ປະຊຸມ​ສຸດ​ຍອດ​ອາ​ຊຽນ ​ໃນ​ປີ 2016 ​ໃຫ້​ມີ​ຜົນສຳ​​ເລັດ​ຈົບງາມ ​ແລະ ​ເປັນ​ທີ່​ເອກອ້າງ​ແຂກ​ບ້ານ​ແຂກ​ເມືອງ​ຜູ້​ມາ​ທ່ຽວ​ຊົມ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...