ດື່ມນົມຖົ່ວເຫລືອງແລ້ວຈະຊ່ວຍອັບໄຊໜ້າເອິກໄດ້ແທ້ໆຫລືບໍ່ຫລັງຈາກມີຂ່າວຊາຍຄົນຈີນດື່ມນົມຖົ່ວເຫລືອງມື້ລະ1ລີດຈົນໜ້າເອິກໃຫຍ່ຄືກັບຜູ້ຍິງອ່ານເລື່ອງນີ້ກ່ອນເຮັດຕາມກະແສເພາະດື່ມຫລາຍໄປອາດບໍ່ດີຕໍ່ສຸຂະພາບ
ຕື່ນກັນທົ່ວໂລກໂຊຊຽວເລີຍເມື່ອມີການນຳຮູບແລະເລື່ອງລາວຂອງທ້າວຫລິວຊາຍຄົນຈີນອາຍຸ40ປີຈາກເມືອງເຈີ້ຈຽງທີ່ມີຂະໜາດເຕົ້ານົມຂະຫຍາຍໃຫຍ່ເຖິງຂະໜາດຄັບຊີຂອງຜູ້ຍິງມາແຊລກັນອີກເທື່ອໜຶ່ງຫລັງຈາກເລື່ອງນີ້ເຄີຍເປັນຂ່າວດັງໃນປະເທດຈີນມາຕັ້ງແຕ່ໄລຍະກາງປີ2014
ໂດຍຄວາມໜ້າສົນໃຈຂອງເລື່ອງນີ້ຢູ່ບ່ອນທີ່ຂະໜາດໜ້າເອິກຂອງທ້າວຫລິວໄດ້ຂະຫຍາຍໃຫຍ່ຫລາຍຈົນໜ້າຕົກໃຈແພດຈຶ່ງໄດ້ກວດສອບຢ່າງລະອຽດແລ້ວກໍພົບວ່າທ້າວຫລິວມີອາການເຕົ້ານົມໃຫຍ່(Gynecomastia)ຊຶ່ງເກີດຂຶ້ນໄດ້ໃນເພດຊາຍແລະຍັງກວດພົບວ່າໃນຮ່າງກາຍຂອງທ້າວຫລິວມີຮໍໂມນເອດໂຕເຈນຊຶ່ງເປັນຮໍໂມນເພດຍິງໃນລະດັບທີ່ສູງຫລາຍເມື່ອຖາມເພື່ອຫາສາເຫດເຖິງໄດ້ຮູ້ວ່າທ້າວຫລິວດື່ມນົມຖົ່ວເຫລືອງຫລາຍເຖິງມື້ລະ1ລິດ
ເລື່ອງນີ້ກໍເລີຍເຮັດໃຫ້ສາວໆຕົກໃຈກັນບໍ່ຫນ້ອຍຈົນເກີດເປັນກະແສບອກຕໍ່ກັນວ່າການດື່ມນົມຖົ່ວເຫລືອງຫລາຍໆຈະຊ່ວຍເຮັດໃຫ້ໜ້າເອິກໃຫຍ່ໄດ້ວ່າແຕ່ເລື່ອງນີ້ເປັນຄວາມຈິງຫລືບໍ່ແລະການດື່ມນົມຖົ່ວເຫລືອງໃນປະລິມານທີ່ຫລາຍເກີນໄປຈະເປັນອັນຕະລາຍແບບໃດຕ້ອງໄປຫາຄຳຕອບ
ສຳລັບຂໍ້ມູນນີ້ແທ້ໆແລ້ວຍັງບໍ່ມີຜົນວິໄຈຫລືລາຍງານທາງການແພດຢືນຢັນຊັດເຈນວ່າ ການດື່ມນົມຖົ່ວເຫລືອງຈະເຮັດໃຫ້ໜ້າເອິກໃຫຍ່ໄດ້ການທີ່ຜູ້ຊາຍມີໜ້າເອິກໃຫຍ່ໄດ້ນັ້ນ ກໍອາດເປັນໄປໄດ້ວ່າເກີດຈາກການດື່ມນົມຖົ່ວເຫລືອງຫລາຍເກີນໄປໂດຍຖົ່ວເຫລືອງເປັນພືດທີ່ມີໄຟໂຕເອດໂຕເຈນຫລືຮໍໂມນເພດຍິງແຕ່ບໍ່ສາມາດບອກໄດ້ວ່າມີຄວາມເຂັ້ມຂຸ້ນຂອງຮໍໂມນຫລາຍພຽງໃດ
ໂດຍໝໍອະທິບາຍວ່າປົກກະຕິແລ້ວຜູ້ຊາຍຈະມີຄວາມໄວຕໍ່ຮໍໂມນເພດຍິງຢູ່ແລ້ວແຕ່ເຖິງຢ່າງໃດກໍ່ຕາມກໍຍັງມີພະຍາດອື່ນໆທີ່ກ່ຽວຂ້ອງກັບການທີ່ຜູ້ຊາຍມີຂະໜາດໜ້າເອິກໃຫຍ່ຂຶ້ນນໍາເຊັ່ນກັນເຊັ່ນ:ພະຍາດມະເຮັງເຕົ້ານົມ,ທີ່ຜູ້ຊາຍຫລາຍຄົນເຂົ້າໃຈຜິດວ່າເປັນພະຍາດຂອງຜູ້ຍິງແຕ່ຄວາມຈິງແລ້ວຜູ້ຊາຍມີໂອກາດເປັນໄດ້ເຖິງຮ້ອຍລະ1ນອກຈາກນີ້ ພະຍາດມະເຮັງຕັບກໍເຮັດໃຫ້ຜູ້ຊາຍມີຂະໜາດໜ້າເອິກທີ່ໃຫຍ່ຂຶ້ນໄດ້ເນື່ອງຈາກຮັບຮໍໂມນເພດຍິງເຂົ້າໄປຫລາຍແລ້ວຮ່າງກາຍຂັບໄລ່ອອກມາບໍ່ໝົດຈຶ່ງສະສົມໄວ້ກາຍເປັນຮໍໂມນເພດຍິງຄ້າງລວມທັງບັນຫາການເຮັດວຽກງານຂອງໄຕ
ສ່ວນກະແສທີ່ຜູ້ຍິງຫັນໄປດື່ມນົມຖົ່ວເຫລືອງເພື່ອຢາກອັບໄຊໜ້າເອິກນັ້ນຂໍເຕືອນວ່າຖ້າຜູ້ຍິງມີຮໍໂມນເພດຍິງຫລາຍເກີນໄປກໍເປັນໂຕກະຕຸ້ນໃຫ້ເກີດມະເຮັງເຕົ້ານົມໄດ້ບໍ່ຕ່າງກັນ ເນື່ອງຈາກຮໍໂມນເພດຈະໄປກະຕຸ້ນເຕົ້ານົມຕະຫລອດເຮັດໃຫ້ມີໂອກາດເປັນມະເຮັງເຕົ້ານົມສູງໂດຍສະເພາະຜູ້ທີ່ມີປະຈຳເດືອນໄວໝົດປະຈຳເດືອນຊ້າແລະບໍ່ມີລູກລວມທັງການດື່ມນົມຖົ່ວເຫລືອງຫລາຍເກີນໄປອາດຈະໄປກະຕຸ້ນໃຫ້ເກີດພະຍາດມະເຮັງທີ່ກ່ຽວກັບຜູ້ຍິງໄດ້ນໍາອີກບໍ່ວ່າຈະເປັນມະເຮັງຮວຍໄຂ່,ມະເຮັງມົດລູກຫລືເຍື່ອຫຸ້ມໂພງມົດລູກຈະເລີນຜິດບ່ອນ
ດັ່ງນັ້ນແລ້ວຜູ້ຍິງກໍບໍ່ຄວນຈະດື່ມນົມຖົ່ວເຫລືອງໃນປະລິມານຫລາຍໆເພື່ອຫວັງໃຫ້ໜ້າເອິກມີຂະໜາດໃຫຍ່ຂຶ້ນຄວນດື່ມແຕ່ພໍປະມານຄືປະມານມື້ລະ2ຈອກຫລືແມ່ນແຕ່ນົມງົວກໍບໍ່ຄວນດື່ມເກີນ2ຈອກແລະຄວນກິນລົດຈືດບໍ່ເຕີມນ້ຳຕານຫລາຍພ້ອມກັບກິນອາຫານໃຫ້ຫລາກຫລາຍ