ຕອນບ່າຍເວລາ 13:00 ວັນທີ 29 ພຶດສະພາ 2015 ນີ້ ຢູ່ທີ່ປ່າຊ້າບ້ານນາບົງ ເມືອງປາກງື່ມ ນະຄອນຫຼວງວຽງຈັນ, ໄດ້ມີພິທີ ສົ່ງສະການ ນ້ອງນັກຮຽນ ທັງ 6 ຄົນ ທີ່ສາມາດກູ້ສົບໄດ້ແລ້ວ ຈາກທັງໝົດ 10 ນ້ອງທີ່ຈົມນ້ຳເສຍຊີວິດ ໃນເຫດການເຮືອແພຫຼົ້ມ ທີ່ທ່ານ້ຳບ້ານນາບົງ (ນ້ຳງື່ມ) ເມືອງປາກງື່ມ ນະຄອນຫຼວງວຽງຈນ.
ໃນພິທີຄັ້ງນີ້, ໄດ້ມີພະນະທ່ານ ທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປລາວ, ຄະນະລັດຖະມົນຕີ, ບັນດາການນຳຂອງນະຄອນຫຼວງວຽງຈັນ, ເມືອງປາກງື່ມ, ພໍ່ແມ່ປະຊົນ ແລະ ຍາດມິດສະຫາຍ ເຂົ້າຮ່ວມ ດ້ວຍບັນຍາກາດອັນໂສກເສົ້າ ແລະອາໄລອາວອນ.
ລາຍຊື່ຂອງນັກຮຽນທີ່ຊາປະນະກິດເທື່ອນີ້ ປະກອບມີ
1. ນາງ ສີລຽນ ອາຍຸ 12 ປີ ບ້ານ ຫົວນາທົ່ງ ພົບເຫັນເວລາ 16:45
2. ນາງ ກົມ ອາຍຸ 12 ປີ ບ້ານ ຫົວນາ ທົ່ງ ພົບເຫັນເວລາ 21:40
3. ນາງ ແຄັດຕີ້ ອາຍຸ 10 ປີ ບ້ານ ຫົວນາທົ່ງ ພົບເຫັນເວລາ 23:40
4. ນາງ ກຸ້ງ ອາຍຸ 12 ປີ ບ້ານ ຫົວນາ ທົ່ງ ພົບເຫັນເວລາ 24:30
5. ນາງ ປະທຸມມາ ອາຍຸ 11 ປີ ບ້ານ ໂພນຂາມ ພົບເຫັນເວລາ 24:30
6. ທ້າວ ວາດສະຫນາ ອາຍຸ 11 ປີ ຢູ່ບ້ານໂພນຂາມ
