ເວັບຂ່າວຂອງຕ່າງປະເທດ ໄດ້ເຜີຍແຜ່ພາບຖະໜົນໃນອິນເດຍ ໃນມື້ວັນທີ 28 ພຶດສະພາຜ່ານມານີ້ ໃນສະພາບທີ່ຢາງໝາກຕອຍເປື່ອຍລະລາຍ ຈາກການປະເຊີນກັບສະພາບອາກາດທີ່ຮ້ອນອົບເອົ້າໃນໄລຍະນີ້.
ຮູບພາບດັ່ງກ່າວ ແມ່ນຖ່າຍຢູ່ໃນນະຄອນຫລວງນິວເດລີຂອງອິນເດຍ ໂດຍໃນໄລຍະນີ້ກຳລັງປະເຊີນກັບສະພາບອາກາດທີ່ຮ້ອນອົບເອົ້າ ເຊິ່ງເປັນຜົນເຮັດໃຫ້ຄົນຕາຍໄປແລ້ວນັບພັນຄົນ, ບາງບ່ອນມີອຸນຫະພູມສູງເຖິງລະດັບ 48 ອົງສາເຊ ອັນໄດ້ເຮັດໃຫ້ປະຊາຊົນເດືອດຮ້ອນຢ່າງກວ້າງຂວາງ ແລະ ນອກຈາກນັ້ນແລ້ວ ຍັງເຮັດໃຫ້ຖະໜົນປູຢາງໝາກຕອຍ ເປື່ອຍລະລາຍດັ່ງທີ່ເຫັນຢູ່ໃນພາບ.
