ສຳນັກຂ່າວຕ່າງປະເທດ ລາຍງານໃນວັນທີ 28 ພຶດສະພານີ້ວ່າ ຄື່ນຄວາມຮ້ອນທີ່ຍັງຄົງປົກຄຸມທົ່ວອິນເດຍໄລຍະນີ້ ຍັງຄົງມີຢ່າງຕໍ່ເນື່ອງ ເຮັດໃຫ້ມີຍອດຜູ້ເສຍຊີວິດຈາກອາກາດຮ້ອນແຮງ ທະລຸ 1,100 ຄົນແລ້ວ ພາຍໃນເວລາບໍ່ເຖິງໜຶ່ງອາທິດ ໂດຍພື້ນທີ່ທີ່ໄດ້ຮັບຜົນກະທົບຫລາຍທີ່ສຸດ ແມ່ນຢູ່ລັດອານທະຣະປະເທດ ທີ່ທາງການຂອງລັດເປີດເຜີຍວ່າ ມີປະຊາຊົນພາຍໃນລັດເສຍຊີວິດ 825 ຄົນ ແລະ ພື້ນທີ່ໄດ້ຮັບຜົນກະທົບໜັກຖັດລົງມາ ແມ່ນຢູ່ລັດເຕລັງຄະນະ ທີ່ມີຍອດຜູ້ເສຍຊີວິດ 266 ຄົນ.
ທັງນີ້ ຄື່ນຄວາມຮ້ອນດັ່ງກ່າວ ໄດ້ເຮັດໃຫ້ສະພາບອາກາດຮ້ອນອົບເອົ້າຢ່າງຮຸນແຮງ ເກືອບ 48 ອົງສາເຊໃນບາງພື້ນທີ່ ໂດຍກົມອຸຕຸນິຍົມວິທະຍາຄາດວ່າ ອິນເດຍຈະປະເຊີນກັບສະພາບອາກາດຮ້ອນແບບນີ້ໄປອີກ 2 ມື້ ແລະ ເຖິງແມ່ນວ່າຄື່ນຄວາມຮ້ອນດັ່ງກ່າວນີ້ຜ່ານໄປແລ້ວ ກໍຈະມີຄື່ນຄວາມຮ້ອນຮອບໃໝ່ຜ່ານຕາມມາອີກ.