ບັນຫາ ຮູຂຸມຂົນກວ້າງ ນັບເປັນບັນຫາທີ່ເຮັດໃຫ້ສາວໆ ກຸ້ມໃຈໄປຕາມໆ ກັນ ເພາະນອກຈາກຈະແກ້ໄດ້ຍາກແລ້ວ ຍັງເຮັດໃຫ້ແຕ່ງໜ້າອອກມາເບິ່ງບໍ່ນຽນໃສອີກດ້ວຍ ມື້ນີ້ ກະປຸກດອດຄອມກໍເລີຍມີເຄັດລັບການເບິ່ງແຍງຜິວໜ້າ ແລະ ແຕ່ງໜ້າສຳລັບສາວໆ ທີ່ມີລູຂຸມຂົນກວ້າງມາຝາກ ໃຫ້ສາວໆ
1. ໃຊ້ໂທນເນີລ໌ກ່ອນລົງເຄື່ອງສຳອາງ ໂດຍໂທນເນີລ໌ໃຫ້ເລືອກທີ່ເໝາະສົມກັບຜິວ ແລ້ວໃຊ້ສຳລີຊຸບກ່ອນເຊັດໃຫ້ທົ່ວໃບໜ້າຈົນຮູ້ສຶກເຖິງຄວາມສະອາດ
- ໃຊ້ນ້ຳກ້ອນ ຫລື ນ້ຳເຢັນເປັນຕົວຊ່ວຍໃຫ້ຮູຂຸມຂົນນ້ອຍລົງການໃຊ້ນ້ຳກ້ອນ ຫລື ນ້ຳເຢັນທາເທິງໃບໜ້ານອກຈາກຈະເຮັດໃຫ້ລູຂຸມຂົນນ້ອຍແລ້ວຍັງເປັນ ການເພີ່ມຄວາມຊຸ່ມຊື້ນໃຫ້ກັບຜິວອີກດ້ວຍ ດັ່ງນັ້ນການໃຊ້ນ້ຳກ້ອນ ຫລື ນ້ຳເຢັນທາໃບໜ້າບໍ່ໄດ້ເຮັດຮ້າຍຜິວໜ້າທ່ານເລີຍ ເຮັດທຸກມື້ໄດ້ ບໍ່ກໍ່ເສຍຫາຍ ແຖມໃຫ້ຜົນດີີອີກດ້ວຍ
- ທາມອຍຊ໌ເຈີໄລເຊີ ມອຍຊ໌ເຈີໄລເຊີລ໌ເປັນສິ່ງທີ່ໃຫ້ຊ່ວຍໃຫ້ຄວາມຊຸ່ມຊື້ນກັບຜິວ ແຕ່ສຳລັບຜູ້ທີ່ມີຮູຂຸມຂົນກວ້າງແລ້ວ ຄວນໃຊ້ມອຍຊ໌ເຈີໄລເຊີລ໌ໃຫ້ຖືກວິທີ ໂດຍຄ່ອຍໆ ນວດມັນໃຫ້ຊຶມຊັບລົງໃນຜິວເບົາໆ ການລົງມອຍຊ໌ເຈີໄລເຊີລ໌ນອກຈາກຈະບຳລຸງຜິວແລ້ວຍັງເຮັດໃຫ້ທ່ານເກ່ຍຮອງພື້ນໄດ້ງ່າຍ ແລະຕິດທົນດົນອີກດ້ວຍ
- ເມື່ອທາມອຍຊ໌ເຈີໄລເຊີລ໌ແລ້ວໃຫ້ທາຜະລິດຕະພັນຄວບຄຸມຄວາມມັນເປັນອັນດັບຕໍ່ໄປ ເພື່ອເພີ່ມປະສິດທິພາບໃນການຄວບຄຸມຄວາມມັນ
- ລົງຮອງພື້ນເຖິງແມ່ນວ່າສາວໆ ຈະໃຊ້ຮອງພື້ນໃນການປົກປິດລູຂຸມຂົນທີ່ກວ້າງໃຫ້ເບິ່ງນຽນຂຶ້ນ ແຕ່ພະຍາຍາມຫລີກລ້ຽງການໃຊ້ຮອງພື້ນທີ່ຫລາຍເກີນໄປ ເພາະມັນຍິ່ງຈະເຮັດໃຫ້ຮອງພື້ນໄປອຸດຕັນລູຂຸມຂົນຈົນຍິ່ງເຫັນລູຂຸມຂົນແຈ້ງຂຶ້ນໄປອີກ ດັ່ງນັ້ນ ເຈົ້າຄວນໃຊ້ຮອງພື້ນແບບນ້ຳທີ່ກົມກືນໄປກັບຜິວໜ້າດີກວ່າ ແລ້ວຕາມດ້ວຍແປ້ງຝຸ່ນ
6. ບໍ່ຄວນໃຊ້ແປ້ງປະສົມຮອງພື້ນ ເພາະທ່ານລົງຮອງພື້ນໄປແລ້ວ ດັ່ງນັ້ນໃຫ້ລົງແປ້ງຝຸ່ນເທົ່ານັ້ນ ເພາະແປ້ງປະສົມຮອງພື້ນຈະເຮັດໃຫ້ໜ້າເບິ່ງໜັກຫລາຍຂຶ້ນໄປອີກ ຍິ່ງທ່ານຈັບມາຕົບແປ້ງລະຫວ່າງມື້ແລ້ວ ຍິ່ງເຮັດໃຫ້ຮອງພື້ນໜາຂຶ້ນ ຈົນອຸດຕັນລູຂຸມຂົນ ແລະ ໃນທີ່ສຸດລູຂຸມຂົນຂອງທ່ານກໍຈະຍິ່ງກວ້າງຂຶ້ນໄປອີກດ້ວຍ