- ເຮັດຄວາມສະອາດຜິວໜ້າໃຫ້ໝົດຈົດແລ້ວເລືອກປະລິມານຄີມທີ່ຕ້ອງໃຊ້ໃຫ້ເໝາະຕາມຄຳແນະນຳຂອງຜູ້ຊ່ຽວຊານດ້ານຄວາມງາມເຮົາເພາະຖ້ານ້ອຍເກີນໄປກໍຈະບໍ່ໄດ້ປະສິດທິພາບເທົ່າທີ່ຄວນຫລືຖ້າຫລາຍເກີນໄປກໍຈະເຮັດໃຫ້ຜິວໜ້າມັນເກີນໄປແລະກໍເປືອງໂດຍໃຊ້ເຫດອີກດ້ວຍຊຶ່ງສ່ວນໃຫຍ່ຈະປະມານ1ຂໍ້ນິ້ວມື
- ເລີ່ມແຕ້ມຄີມທີ່ບໍລິເວນ 5 ຈຸດຂອງໃບໜ້າຄືໜ້າຜາກ,ດັງ,ແກ້ມທັງສອງຂ້າງແລະຄາງຕາມລຳດັບ
- ນິ້ວກາງແລະນິ້ວນາງເກ່ຍບໍລິເວນທີ່ກວ້າງທີ່ສຸດກ່ອນເຊັ່ນໂໜກແກ້ມ ໂດຍເລີ່ມຈາກສ່ວນກາງໄປຍັງສ່ວນຂ້າງໆແລ້ວຕາມດ້ວຍແນວສັນດັງ, ຄາງແລະໜ້າຜາກໂດຍເວັ້ນບໍລິເວນຮອບດວງຕາໄວ້ ເພາະອາດຈະຕ້ອງໃຊ້ຄີມຊະນິດສະເພາະຮອບດວງຕາແທນ
- ການລົງນ້ຳໜັກນິ້ວຄວນຈະເບົາທີ່ສຸດເທົ່າທີ່ເຮັດໄດ້ເພາະຜິວໜ້າເປັນຜິວທີ່ບອບບາງຄວນໄດ້ຮັບການທະນຸດນອມຖ້າລົງນ້ຳໜັກແຮງເກີນໄປອາດຈະເຮັດໃຫ້ເກີດຮອຍຍານໃນພາຍຫລັງໄດ້
- ທາຄີມຮອບດວງຕາຄວນໃຊ້ປະລິມານເນື້ອຄີມປະມານ1ເມັດຖົ່ວຂຽວແລ້ວໃຊ້ນິ້ວນາງພຽງນິ້ວດຽວໃນການທາເພາະຈະນ້ຳໜັກກົດເບົາທີ່ສຸດແລ້ວທາຄີມໄລ່ຕາມແນວໂຄງກະດູກເບົ້າຕາອາດຈະເລີ່ມທີ່ຫົວຕາຫລືຫາງຕາກ່ອນກໍໄດ້ແລ້ວວົນຄີມອ້ອມຮອບດວງຕາຈະວົນເຂົ້າຫລືວົນອອກກໍໄດ້ຕາມຖະຫນັດແຕ່ຕ້ອງວົນໄປໃນທິດທາງດຽວກັນທັງສອງຂ້າງ
- ທາຄີມບໍລິເວນລຳຄໍຄວນໃຊ້ປະລິມານເນື້ອຄີມເທົ່າກັບທີ່ໃບໜ້າປະມານ1ຂໍ້ມືໂດຍເລີ່ມຈາກບໍລິເວນທີ່ກວ້າງທີ່ສຸດຂອງລຳຄໍກ່ອນຄືບໍລິເວນຖານລຳຄໍແລ້ວໃຊ້ປາຍນິ້ວມືທັງໝົດຄ່ອຍໆລູບໄລ້ຂຶ້ນບໍ່ຄວນທາລົງເພາະຈະເຮັດໃຫ້ຜິວບໍລິເວນລຳຄໍຢ່ອນຍານໄປຕາມແນວໂນ້ມຖ່ວງຂອງໂລກເຮັດໃຫ້ເກີດຮອຍຍົ່ນຍານພາຍຫລັງໄດ້
- ທາຄີມບໍລິເວນໜ້າເອິກອາດຈະໃຊ້ຄີມທີ່ເຫລືອຈາກລຳຄໍທາລູບໃນຊ່ວງເອິກຕໍ່ໄປໄດ້ໂດຍການໃຊ້ປາຍນິ້ວລູບພຽງເບົາໆແລະວົນໃຫ້ທົ່ວເພື່ອການຊຶມຊັບຂອງເນື້ອຄີມສູ່ຜິວແລ້ວຄ່ອຍໄລ່ທາໄປທີ່ໜ້າທ້ອງແລະສ່ວນຫລັງ
- ການທາຄີມບໍລິເວນແຂນຂາແລະຕີນຈະໃຊ້ຄີມປະລິມານຫລາຍເຊັ່ນກັນປະມານ2-3 ຂໍ້ມືໂດຍເລີ່ມຕົ້ນທີ່ຕົ້ນແຂນກ່ອນແລ້ວກໍລູບມາທີ່ທ້ອງແຂນຈົນທົ່ວບໍລິເວນເຮັດຄືກັນທັງສອງຂ້າງເລີຍຈາກນັ້ນກໍມາທີ່ຕົ້ນຂາແລ້ວທາວົນຈາກດ້ານຕົ້ນຂາໄປປາຍຂາໂດຍການໃຊ້ປາຍນິ້ວມືລູບພຽງເບົາໆເພື່ອການຊຶມຊັບຂອງເນື້ອຄີມສູ່ຜິວໂດຍຄວນຈະເນັ້ນບໍລິເວນໜ້າແຂ້ງສອງຂ້າງໃຫ້ຫລາຍເພາະບໍລິເວນນີ້ຈະແຫ້ງກ້ານໄດ້ງ່າຍຫລາຍສ່ວນບໍລິເວນຕີນຄວນທາທັງສອງດ້ານຄື ຫລັງຕີນແລະຝ່າຕີນພ້ອມກໍ່ການນວດໃຫ້ທົ່ວອຸ້ງຕີນເພື່ອເປັນການຜ່ອນຄາຍແລະເພີ່ມການໄຫລວຽນເລືອດ