ສຳນັກຂ່າວຕ່າງປະເທດ ເດລິນິວ ຂອງໄທ ລາຍງານໃນວັນທີ 28 ພຶດສະພານີ້ວ່າ ໃນມື້ວັນພຸດທີ 27 ພຶດສະພາຜ່ານມາ ໄດ້ເກີດເຫດນັກທ່ອງທ່ຽວຊາວອູແກຣນ ທ້າວ ອັບດຸນລາ ອະເດນ ອາຍຸ 25 ປີ ຫລິ້ນໂດດບັນຈີ້ຈ້ຳ (Bungy Jump) ຢູ່ບໍລິເວນຫາດປ່າຕອງ ແຂວງພູເກັດ ປະເທດໄທ ແຕ່ໂຊກຮ້ານສາຍສະລິງຂາດ ດິ່ງໂຕລົງກະແທກພື້ນ ຈົນໄດ້ຮັບບາດເຈັບສາຫັດໃນສະພາບຄໍ ແລະ ກະດູກຂ້າງເບື້ອງຂວາຫັກ ແລະ ເສຍຊີວິດໃນເວລາຕໍ່ມາ.

ດ້ານເຈົ້າໜ້າທີ່ໄດ້ເຂົ້າກວດສອບສະຖານທີ່ເກີດເຫດ ພ້ອມທັງສອບສວນພະນັກງານທີ່ຮັບຜິດຊອບເຄື່ອງຫລິ້ນບັນຈີ້ຈ້ຳດັ່ງກ່າວ ຈິ່ງຮູ້ວ່າ ໃນຂະນະທີ່ທ້າວ ອັບດຸນລາ ກຳລັງໂດດລົງມານັ້ນ ຂໍ້ຕໍ່ສາຍສະລິງທີ່ໃຊ້ຍຶດກັບຂ້ຕີນຂອງລາວໄດ້ຫລຸດອອກມາ ເຮັດໃຫ້ໂຕຂອງລາວລອຍຢູ່ກາງອາກາດ ກ່ອນດິ່ງລົງມາກະແທກພື້ນຢ່າງຮຸນແຮງ, ແນວໃດກໍຕາມ ເຈົ້າໜ້າທີ່ຈະມີການສືບສວນຢ່າງລະອຽດ ເພື່ອດຳເນີນການຕາມກົດໝາຍຂອງໄທຕໍ່ໄປ.