ເຈົ້າໜ້າທີ່ຈະລາຈອນ ແຂວງຈຳປາສັກ ໃຫ້ຮູ້ວ່າ: ໃນເວລາປະມານ 19:20 ໂມງຂອງວັນທີ 20 ພຶດສະພານີ້, ຢູ່ເຂດບ້ານບຸນໃໝ່ ເມືອງປະທຸມພອນ ແຂວງຈຳປາສັກ ໄດ້ມີລົດຕູ້ໝາຍເລກທະບຽນ ກຄ 6381 ກຳແພງນະຄອນ ແລ່ນມາແຕ່ເມືອງໂຂງ ມຸ້ງໜ້າໄປແຂວງຈຳປາສັກ ດ້ວຍຄວາມໄວສູງ, ເມື່ອມາຮອດຈຸດເກີດເຫດໄດ້ໄປຕຳເອົາທ້າຍລົດບັນທຸກໄມ້ທີ່ຈອດປ່ຽນຕີນລົດຢູ່ແຄມທາງ, ສົ່ງຜົນໃຫ້ຜູ້ໂດຍສານທີ່ນັ່ງມາໃນລົດຕູ້ຄັນດັ່ງກ່າວນັ້ນ ໄດ້ຮັບບາດເຈັບ 2 ຄົນ ແລະ ເສຍຊີວິດ 2 ຄົນຄື: ທ້າວ ຕຸ່ນ ອາຍຸ 24 ປີ ແລະ ທ້າວ ນ້ອຍ ອາຍຸ 23 ປີ ທັງສອງຢູ່ບ້ານພົ້ງເບົ້າ ເມືອງສົບເບົາ ແຂວງຫົວພັນ.
ແຫລ່ງຂ່າວ: ລາວພັດທະນາ