ສູດລັບຜິວຂາວດ້ວຍການອາບນ້ຳສາວໆຮູ້ບໍ່ວ່າການອາບນ້ຳນອກຈາກຈະຊ່ວຍເຮັດໃຫ້ເຮົາຜ່ອນຄາຍແລະຮູ້ສຶກສະບາຍຕົວໄດ້ແລ້ວຫາກເຮົາເພີ່ມຄວາມພິເສດຢ່າງການອາບນ້ຳແຮ່ແຊ່ນ້ຳນົມເຂົ້າໄປກໍຈະຍິ່ງເຮັດໃຫ້ເຮົາຮູ້ສຶກດີຫລາຍຂຶ້ນທີ່ສຳຄັນຍັງເປັນຂັ້ນຕອນທີ່ຈະສາມາດບຳລຸງຜິວງາມໃນຂະນະອາບນ້ຳໄດ້ເປັນຢ່າງດີອີກດ້ວຍ ແຕ່ທັງນີ້ຖ້າຈະໃຫ້ອາບນ້ຳນົມທຸກມື້ກະເປົ໋າສາວໆ ກໍຄົງຈີກກັນພໍດີດັ່ງນັ້ນ ລາວໂພສ ຈຶ່ງມີເຄັດລັບຜິວງາມແບບທີ່ຈະຊ່ວຍໃຫ້ສາວໆສະບາຍກະເປົ໋າ ແຖມຍັງບຳລຸງຜິວພັນໃຫ້ຂາວນຽນໄດ້ແບບບໍ່ແພ້ການແຊ່ນ້ຳນົມມາຝາກກັນຊຶ່ງວິທີທີ່ວ່ານີ້ກໍຄື “ການອາບນ້ຳແຊ່ຜິວດ້ວຍຊາ” ນັ້ນເອງ
ສຳລັບການແຊ່ຜິວດ້ວຍນ້ຳຊາສາວໆອາດຈະຍັງບໍ່ເຄີຍຮູ້ມາກ່ອນວ່າໃນຊານັ້ນຈະອຸດົມໄປດ້ວຍສານແອນຕີ້ອອກຊິແດນ ແລະແຮ່ທາດທີ່ເປັນປະໂຫຍດຕໍ່ຜິວເປັນຢ່າງຫລາຍດັ່ງນັ້ນການແຊ່ຜິວດ້ວຍຊາຈຶ່ງຈະສາມາດເຮັດໃຫ້ຜິວຂອງເຈົ້າງາມໃສຂຶ້ນໄດ້ຢ່າງບໍ່ໜ້າເຊື່ອ ທີ່ສຳຄັນຍັງຈະຊ່ວຍຊະລໍບໍ່ໃຫ້ຜິວເກີດຣິ້ວຮອຍກ່ອນໄວອັນຄວນໄດ້ອີກດ້ວຍ
ໂດຍວິທີການອາບນ້ຳແຊ່ຕົວດ້ວຍຊານັ້ນກໍພຽງແຕ່ຕີ່ມນ້ຳຮ້ອນລົງໄປໃນອ່າງອາບນ້ຳພໍໃຫ້ອຸ່ນໆຈາກນັ້ນກໍໃຫ້ໃສ່ຖົງຊາລົງໄປປະມານ4-5 ຖົງ(ແນະນຳໃຫ້ໃຊ້ຊາຂຽວແລະຊາດຳຈະດີຕໍ່ຜິວທີ່ສຸດ) ປ່ອຍປະໄວ້ໃຫ້ຊາລະລາຍໄລຍະໜຶ່ງ ສຳເລັດແລ້ວກໍສາມາດລົງໄປນອນແຊ່ໃນນ້ຳໄດ້ຢ່າງສະບາຍໃຈ ແລະສາມາດນອນແຊ່ໄດ້ດົນເທົ່າທີ່ຕ້ອງການ
ຫລັງຈາກທີ່ໄດ້ແຊ່ຕົວໃນນ້ຳຊາແລ້ວຈະຊ່ວຍເຮັດໃຫ້ສາວໆຮູ້ສຶກສົດຊື່ນຫລາຍຂຶ້ນທີ່ສຳຄັນຫາກເຮັດເລື້ອຍໆກໍຈະຍິ່ງເຮັດໃຫ້ຜິວພັນຂອງເຈົ້າສົດໃສເປັ່ງປັ່ງບໍ່ມີຣີ້ວຮອຍກ່ອນໄວແລະຍັງຊ່ວຍໃຫ້ຜິວຂາວນຽນໃສມ່ຳສະເໝີກັນໄດ້ທຸກຈຸດຄືກັບວ່າອາບນ້ຳແຮ່ແຊ່ນ້ຳນົມມາ