spot_img
Homeຂ່າວພາຍ​ໃນສາມກອງປະຊຸມສຸດຍອດ ກຳປູເຈຍ-ລາວ-ຫວຽດນາມ ຈັດຂຶ້ນທີ່ນະຄອນຫຼວງວຽງຈັນ

ສາມກອງປະຊຸມສຸດຍອດ ກຳປູເຈຍ-ລາວ-ຫວຽດນາມ ຈັດຂຶ້ນທີ່ນະຄອນຫຼວງວຽງຈັນ

Published on

images
ກອງປະຊຸມສຸດຍອດເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ (CLV) ຄັ້ງທີ 7 ກອງປະຊຸມສຸດຍອດ ກຳປູເຈຍ-ລາວ
-ຫວຽດນາມ (CLMV) ຄັ້ງທີ 6 ແລະ ກອງປະຊຸມສຸດຍອດດ້ານເສດຖະກິດແມ່ນ້ຳອິຣະວະດີ-ແມ່ນ້ຳເຈົ້າພະຍາ-ແມ່ນ້ຳຂອງ ຫຼື
ແອັກແມັກ (ACMECS) ຄັ້ງທີ 5 ຈະໄດ້ຈັດຂຶ້ນຢູ່ນະຄອນຫຼວງວຽງຈັນ ສປປ ລາວ ແຕ່ວັນທີ 11-13 ມີນາ 2013 ຊຶ່ງກອງ
ປະຊຸມຈະມີບັນດາປະມຸກລັດ ຫົວໜ້າລັດຖະບານ ລັດຖະມົນຕີຕ່າງປະເທດ ລັດຖະມົນຕີ ເລຂາທິການໃຫຍ່ອາຊຽນ ແລະ ຄະ
ນະຜູ້ແທນຂັ້ນສູງ ເຈົ້າໜ້າທີ່ອາວຸໂສຈາກສາມປະເທດເຂົ້າຮ່ວມ.
ກອງປະຊຸມດັ່ງກ່າວເປັນກອງປະຊຸມໜຶ່ງທີ່ມີຄວາມສຳຄັນຂອງສາມປະເທດ ລາວ ກຳປູເຈຍ ແລະ ຫວຽດນາມ ເພື່ອພ້ອມກັນ
ຮ່ວມມືພັດທະນາເຂດສາມຫຼ່ຽມ ຈຸດປະສົງຂອງການຮ່ວມມື ເພື່ອສ້າງໃຫ້ຂົງເຂດຊາຍແດນຂອງສາມປະເທດມີຄວາມສະຫງົບ
ແລະ ມີການພັດທະນາທາງດ້ານເສດຖະກິດໃຫ້ຂະຫຍາຍຕົວໄວຂຶ້ນ ເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່ານັບມື້ນັບດີ
ຂຶ້ນ ເພີ່ມທະວີການຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນ ເພື່ອພ້ອມກັນເລັ່ງລັດການພັດທະນາເສດຖະກິດ-ສັງຄົມ ໂດຍ
ການ
ນຳໃຊ້ທ່າແຮງ ແລະ ຊັບພະຍາກອນທຳມະຊາດທີ່ມີ ໃຫ້ເກີດຜົນປະໂຫຍດສູງສຸດ ສຶກສາຄົ້ນຄວ້ານຳສະເໜີນະໂຍບາຍ ແລະ
ບັນດາກົນໄກການຮ່ວມມືທີ່ສອດຄ່ອງ ເພື່ອດຶງດູດການລົງທຶນຈາກຂົງເຂດອື່ນເຂົ້າມາເຂດສາມຫຼ່ຽມພັດທະນາຊອກຫາແຫຼ່ງທຶນ
ແລະ ການຊ່ວຍເຫຼືອດ້ານເຕັກນິກວິຊາການຈາກປະເທດອາຊຽນ ແລະ ຈາກບັນດາປະເທດຄູ່ເຈລະຈາອາຊຽນ ແລະ ປະເທດຄູ່
ຮ່ວມພັດທະນາຕ່າງໆ ເພື່ອຈັດຕັ້ງປະຕິບັດໂຄງການບູລິມະສິດ ມີການພັດທະນາແບບຍືນຍົງ ແລະ ມີການປົກປັກຮັກສາສິ່ງແວດ
ລ້ອມ.
ສຳລັບ ສປປ ລາວເຮົາແລ້ວ ທີ່ໄດ້ຮັບຜົນປະໂຫຍດໃນໄລຍະ 2010-2012 ລັດຖະບານໄທໃຫ້ທຶນການຊ່ວຍເຫຼືອລ້າ ການສ້າງ
ຂົວຂ້າມນ້ຳຂອງ ທ່າແຂກ-ນະຄອນພະນົມ ແມ່ນຂົວຈະເຊື່ອມຕໍ່ໃສ່ເສັ້ນທາງເລກທີ 12 ຊຶ່ງເປັນເສັ້ນທາງທີ່ມີໄລຍະສັ້ນທີ່ສຸດໄປ
ຫາທ່າເຮືອວຸ່ງອາງ ສສ.ຫວຽດນາມ ການສ້າງຂົວຂ້າມແມ່ນ້ຳຂອງ ຫ້ວຍຊາຍ-ຊຽງຂອງໄທ ຍິນດີຈະໃຫ້ທຶນໃນການກໍ່ສ້າງ 50%
ຂອງມູນຄ່າກໍ່ສ້າງໂຄງການພັດທະນາເສັ້ນທາງລົດໄຟ ຈາກໜອງຄາຍ-ທ່ານາແລ້ງເຖິງສະຖານີວຽງຈັນ ບ້ານຄຳສະຫວາດ ມີໄລ
ຍະຍາວ 9 ກິໂລແມັດ ໃນນາມລັດຖະບານໄທ ຜ່ານກອງທຶນນິດາ ໄດ້ໃຫ້ທຶນຊ່ວຍເຫຼືອລ້າໃນການສຳຫຼວດ ແລະ ອອກແບບລະ
ອຽດ ໂຄງການທາງຫຼວງແຫ່ງຊາດ 11 ຈາກສາມແຍກຕາດທອງຫາຂົວຂ້າມນ້ຳສັງ ເມືອງສັງທອງ ໂຄງການກໍ່ສ້າງທາງ 2 E
ທຶນກູ້ຢືມຈາກ ສສ.ຫວຽດນາມ ແລະ ໂຄງການອື່ນໆຈຳນວນໜຶ່ງ.
ທີ່ມາhttp://www.vientianemai.net

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...