- ຜິວຂາວອົມບົວ ເປັນສີຜິວທີ່ໃຜໆກໍພາກັນອິດສາເພາະເບິ່ງອ່ອນເຍົາແລະໃຫ້ຄວາມຮູ້ສຶກເຖິງຄວາມເປັນຄົນສຸຂະພາບດີສີຜິວນີ້ຈຶ່ງແຕ່ງຕົວໄດ້ຄ່ອນຂ້າງຫລາກຫລາຍແຕ່ຖ້າຈະຍິ່ງເສີມໃຫ້ເບິ່ງໜ້າຮັກສົດໃສຫລາຍຂຶ້ນຄວນເລືອກເສື້ອຜ້າສີອ່ອນໆເຊັ່ນຟ້າອົມຂຽວ,ຟ້າອ່ອນ,ໂກໂກ້,ບົວອ່ອນ,ສົ້ມເປັນຕົ້ນຄົົນທີ່ຜິວຂາວອົມບົວມັກຈະມີໃບໜ້າແດງເປັ່ງປັ່ງຈຶ່ງບໍ່ເໝາະທີ່ຈະໃສ່ເສື້ອສີຈີ໊ດຈ໊າດເພາະຈະເຮັດໃຫ້ເບິ່ງບໍ່ທັນສະໄໝ
- ຜິວຂາວອົມເຫລືອງ ເປັນອີກສີຜິວໜຶ່ງທີ່ມີຄວາມໂຊກດີບ່ອນທີ່ໃສ່ເສື້ອຜ້າສີຫຍັງກໍໄດ້ບໍ່ວ່າຈະອ່ອນ ,ເຂັ້ມຫລືສົດໃສກະແທກຕາແຕ່ງຕົວດ້ວຍເສື້ອຜ້າໂທນສີອົບອຸ່ນແຕ່ທີ່ງາມສຸດໆຄວນເປັນເສື້ອຜ້າໂທນສີອົບອຸ່ນແລເບິ່ງອ່ອນໂຍນເຊັ່ນສີບົວ,ສີສົ້ມແລະຄວນຫລີກລ້ຽງເສື້ອຜ້າສີຂຽວໝົ່ນໆແລະສີເທົາອ່ອນ ເພາະຈະເຮັດໃຫ້ເສຍຄວາມງາມ
- ຜິວຂາວຈີດ ສາວໝວຍມັກຈະເປັນເຈົ້າຂອງຜິວສີນີ້ກັນເປັນສ່ວນໃຫຍ່ຊຶ່ງຈະມີຂໍ້ເສຍໜ້ອຍດຽວບ່ອນທີ່ຖ້າຂາວຈີດຫລາຍໆອາດເຮັດໃຫ້ໃຜໆຄິດວ່າເຈັບປ່ວຍສຸກຂະພາບບໍ່ແຂງແຮງດັ່ງນັ້ນໂທນສີທີ່ເໝາະສົມຄວນເປັນສີທີ່ຄ່ອນຂ້າງເຂັ້ມເຊັ່ນແດງເຂັ້ມ,ເຫລືອງອົມນ້ຳຕານ,ຂຽວເຂັ້ມ,ນ້ຳຕານໄໝ້ເປັນຕົ້ນເພາະສີເຂັ້ມເຫລົ່ານີ້ຈະຊ່ວຍຂັບສີຜິວໃຫ້ເບິ່ງເຂັ້ມຂຶ້ນແຕ່ກໍຄວນຫລີກລ້ຽງເສື້ອຜ້າສີເທົາ,ມ່ວງເພາະຈະເຮັດໃຫ້ເບິ່ງຄືຄົນອ່ອນເພຍແຮງຫລາຍຂຶ້ນໄປອີກ
- ຜິວສອງສີຫລືຜິວສີນ້ຳຜຶ້ງເປັນສີຜິວທີ່ເບິ່ງແລ້ວມີສະເໝ່ຊຶ່ງໂທນສີທີ່ເໝາະສົມກັບສີຜິວນີ້ຄືສີທີ່ຄ່ອນຂ້າງອ່ອນ,ໂດຍສະເພາະສີປະສົມຕ່າງໆເຊັ່ນນ້ຳຕາລອມແດງ,ຂຽວອົມຟ້າ,ບົວອົມສົ້ມ,ເລືອດນົກເປັນຕົ້ນ ແລ້ວລອງສັງເກດຕົວເອງຈັກໜ້ອຍວ່າເຈົ້າໃບໜ້າອອກເຫລືອງຫລືບໍ່ຖ້າໃບໜ້າອອກເຫລືອງກໍບໍ່ເໝາະ ທີ່ຈະໃສ່ເສື້ອສີຟ້າແກ່,ສີຄາມ,ສີກົມທ່າເພາະຈະເຮັດໃຫ້ໃບໜ້າເບິ່ງເຫລືອງຫລາຍຍິ່ງຂຶ້ນ
- ຜິວຄ້ຳ ຄວນເລືອກໂທນສີກາງໆທີ່ບໍ່ອ່ອນແລະສົດຈົນເກີນໄປແຕ່ຄວນເລືອກໂທນສີເຂັ້ມໆນິດໜື່ງ ເຊັ່ນນ້ຳຕານເຂັ້ມ,ມ່ວງ,ເທົາ,ຂຽວເຂັ້ມເພາະສີຂອງເສື້ອຜ້າເຫລົ່ານີ້ຈະເຮັດໃຫ້ເບິ່ງກົມກືນໄປກັບສີຜິວ ຍັງຈະຂັບໃຫ້ສີຜິວເບິ່ງຂາວຂຶ້ນກວ່າເກົ່າສ່ວນສີທີ່ຕ້ອງຫລີກລ້ຽງແນ່ໆຄືເສື້ອສີແຈ໊ດໆແປ໋ນໆຫລືນີອອນ ໂດຍສະເພາະສີແດງສົດດ໋ຽວ