ຄວາມຄືບໜ້າການຄົ້ນຫາຮ່າງຜູ້ເສຍຊີວິດ ຈາກເຫດໄຟໄໝ້ໂຮງງານຜະລິດເກີບອີ່ແຕະ ໃນປະເທດຟິລິບປິນ ລ່າສຸດພົບສົບແລ້ວ 72 ຄົນ ແລະ ທີ່ເຫລືອຍັງສືບຕໍ່ຄົ້ນຫາຕໍ່.
ສຳນັກຂ່າວຕ່າງປະເທດ ລາຍງານໃນວັນທີ 14 ພຶດສະພາຜ່ານມານີ້ວ່າ ຈາກເຫດໄຟໄໝ້ຮຸນແຮງຢູ່ໂຮງງານຜະລິດເກີບອີ່ແຕະ ຊານນະຄອນຫລວງມະນິລາ ປະເທດຟິລິບປິນ ຕັ້ງແຕ່ມື້ວັນພຸດ (13 ພຶດສະພາ) ຜ່ານມາ ລ່າສຸດແມ່ນພົບສົບຜູ້ເສຍຊີວິດແລ້ວ 72 ຄົນ ສ່ວນອີກຈຳນວນທີ່ຍັງສູນຫາຍ ແມ່ນຍັງສືບຕໍ່ຄົ້ນຫາ ໂດຍເຈົ້າໜ້າທີ່ຕຳຫລວດ ຈະມີການຕັ້ງຂໍ້ຫາແກ່ຜູ້ປະກອບການ ທີ່ບໍ່ມີມາດຕະການໃນການປ້ອງກັນ ຫລື ແກ້ໄຂເຫດສຸກເສີນ ອັນເຮັດໃຫ້ມີກຳມະກອນຕ້ອງເສຍຊີວິດ ໃນສະຖານທີ່ເຮັດວຽກເປັນຈຳນວນຫລວງຫລາຍ.
ທັງນີ້ ເຈົ້າໜ້າທີ່ຍັງລະບຸອີກວ່າ ຕົວເລກຜູ້ເສຍຊີວິດອາດຈະເພີ່ມຂຶ້ນ ເນື່ອງຈາກຜູ້ທີ່ສູນຫາຍຍັງບໍ່ສາມາດຊອກເຫັນໄດ້ ແລະ ສັນນິຖານວ່າອາດເສຍຊີວິດແລ້ວ.