ເຈົ້າ​ໜ້າ​ທີ່​ສາ​ທາ​ລະ​ນະ​ສຸກ ລັດ​ໄອ​ໂອ​ວາ ສະ​ຫະ​ລັດ​ອາ​ເມ​ຣິ​ກາ ກວດ​ພົບ​ການ​ແຜ​່​ລະ​ບາດ​ຂອງ​ເຊື້ອ​ໄວ​ຣັດ ໄຂ້​ຫວັດ​ສັດ​ປີກ H5N2 ໃນ​ຟາມ​ລ້ຽງ​ໄກ່ 2 ແຫ່ງ ສົ່ງ​ຜົນ​ເຮັດ​ໃຫ້​ຕ້ອງ​ມີ​ການ​ສັ່ງ​ຂ້າ​ໄກ່ ຫລາຍ​ກ່​ວາ 4 ລ້ານ​ໂຕ ເພື່ອ​ສະ​ກັດ​ກັ້ນ​ການ​ແຜ່​ລະ​ບາດ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ລ່າ​ສຸດ​ໃນ​ວັນ​ທີ 10 ພຶດ​ສະ​ພາ​ຜ່ານ​ມາ​ນີ້​ວ່າ ຈຳ​ນວນ​ໄກ່​ທີ່​ຖືກ​ຂ້າ​ໃນ​ລັດ​ໄອ​ໂອ​ວາ ອາດ​ສູງ​ຂຶ້ນ​ເຖິງ​ລະ​ດັບ 25 ລ້ານ​ໂຕ ຫລື ຫລາຍ​ກ່​ວາ 40% ຂອງ​ຈຳ​ນວນ​ໄກ່​ທີ່​ລ້ຽງ​ໃນ​ລັດ​ນີ້ ໂດຍ​ຂໍ້​ມູນ​ຈາກ​ສູນ​ປ້ອງ​ກັນ​ພະ​ຍາດ​ແຫ່ງ​ຊາດ ຂອງ​ສະ​ຫະ​ລັດ​ອາ​ເມ​ຣິ​ກາ ໄດ້​ອອກ​ມາ​ຢືນ​ຢັນ​ວ່າ ພົບ​ການ​ແຜ່​ລະ​ບາດ​ຂອງ​ເຊື້ອ​ໄວ​ຣັດ​ໄຂ້​ຫວັດ​ສັດ​ປີກ ສາຍ​ພັນ H5N2 ແລ້ວ ໃນ 13 ລັດທົ່ວ​ສະ​ຫະ​ລັດ​ອາ​ເມ​ຣິ​ກາ ນັບ​ຕັ້ງ​ແຕ່​ເດືອນ​ມີ​ນາ​ທີ່​ຜ່ານ​ມາ ອັນ​ເປັນ​ເຫດ​ເຮັດ​ໃຫ້​ມີ​ການ​ສັ່ງ​ຂ້າ​ສັດ​ປີກທົ່ວ​ປະ​ເທດ ໄປ​ແລ້ວ​ຫລາຍ​ກ່​ວາ 30 ລ້ານ​ໂຕ ແຕ່​ກໍ​ຍັງ​ບໍ່​ທັນ​ມີ​ລາຍ​ງານ​ການ​ແຜ່​ເຊື້ອ​ສູ່​ມະ​ນຸດ​ເທື່ອ.