ສຸດໆ! SAMSUNG GALAXY S IV ຕຽມຄວບຄຸມເຄື່ອງໂດຍໃຊ້ສາຍຕາ?
ຂ່າວລືຕອນນີ້ຂອງ Samsung Galaxy S IV ເບິ່ງຄືວ່າຈະຍັງຫລາບບໍ່ພໍ ກ່ອນຫນ້ານີ້ເຄີຍມີຂ່າວທຳນອງນີ້ໄປແລ້ວຄືກັນແຕ່ເປັນເລື່ອງ Floating Touch ຄືກັນກັບພວກ Sony Xperia Sola ລວມເຖິງເລື່ອງລະບົບ Gesture Control ໃນກ້ອງ ມື້ນີ້ເອງຍັງມີຂ່າວເລື່ອງກ່ຽວກັບການຄວບຄຸມໂຕເຄື່ອງອອກມາອີກແບບໃຫມ່ແຕ່ເທື່ອນີ້ຫນ້າສົນໃຈກວ່າ 2 ເທື່ອທີ່ຜ່ານມາ
ການຄວບຄຸມເຄື່ອງແບບໃຫມ່ນີ້ຈະໃຊ້ສາຍຕາໃນການຄວບຄຸມ ເຊິ່ງເປັນຂ່າວມາຈາກທາງ New York Times ໂດຍການເຮັດວຽກຂອງມັນກໍຄືສົມມຸດເຮົາອ່ານໄຟຣເອກກະສານໃນເຄື່ອງຢູ່ ຫລັງຈາກເຮົາອ່ານຈົບແລ້ວສາມາດເບິ່ງໄປທີ່ດ້ານມຸມລຸ່ມຂອງຈໍເພື່ອປ່ຽນຫນ້າເອກກະສານໄປຫນ້າຕໍ່ໄປໄດ້ທັນທີປະມານນີ້
ສຳລັບແນວຄິດນີ້ແນ່ນອນມີຄວາມເປັນໄປໄດ້ພໍສົມຄວນເພາະກ່ອນຫນ້ານີ້ທາງ Samsung ເຄີຍອອກມາເວົ້າເຖິງພວກລະບົບ “Eye scrolling” ຢູ່ຄືກັນບວກກັບຄວາມສາມາດ Smart Stay ໃນ Galaxy S III ກໍເຮັດໃຫ້ມີຄວາມເປັນໄປໄດ້ສູງທີ່ Galaxy S IV ຈະມີຄວາມສາມາດທີ່ເຫນືອກວ່າ ຕ້ອງໄດ້ຕິດຕາມເບິ່ງກັນຕໍ່ໄປແລ້ວ