spot_img
Homeຂ່າວການພັດທະນາທະ­ນາ­ຄານ​ໂລກ ຊ່ວຍເຫຼືອ​ທຶນ ແກ່ລັດ­ຖະ­ບານ​ລາວ

ທະ­ນາ­ຄານ​ໂລກ ຊ່ວຍເຫຼືອ​ທຶນ ແກ່ລັດ­ຖະ­ບານ​ລາວ

Published on

20150507101711

ລັດ­ຖະ­ບານ​ລາວ ໄດ້​ຮັບ​ການຊ່ວຍ­ເຫຼືອ​ທາງ​ດ້ານ​ທຶນ­ຮອນ​ຈາກ​ທະ­ນາ­ຄານ​ໂລກ ເພື່ອ​ຈັດ​ຕັ້ງ​ປະ­ຕິບັດ​ໂຄງ­ການ​ສິ່ງ­ແວ­ດລ້ອມ ແລະ ສັງ­ຄົມ​ລາວ​ໄລ­ຍະ 2 (ຄສລ2) ໂດຍ​ຜ່ານກອງ​ທຶນ​ປົກ​ປັກ​ຮັກ­ສາສິ່ງ­ແວ­ດລ້ອມ (ກປສ) ໂດຍ​ໂຄງການ​ດັ່ງ­ກ່າວ​ຈະ​ຊ່ວຍ​ສ້າງ​ຄວາມເຂັ້ມ­ແຂງ​ໃນ​ການ​ບັງ­ຄັບ​ໃຊ້​ ກົດໝາຍ​ສັດ­ປ່າ ປັບ­ປຸງ​ຄວາມ​ສາມາດ​ໃນ​ການ​ສະ­ໜອງ​ທຶນຂອງກອງ​ທຶນ​ປົກ​ປັກ​ຮັກ­ສາ​ສິ່ງ​ ແວດລ້ອມ ສະ­ໜັບ­ສະ­ໜູນ​ການ​ສ້າງຄວາມ​ສາ­ມາດ​ຂອງການ­ຈັດ­ຕັ້ງແຫ່ງ​ຊາດ ຈັດ​ຕັ້ງ​ປະ­ຕິ­ບັດ ແລະ ຕິດ­ຕາມ​ລະ­ບຽບກົດ­ໝາຍ​ສິ່ງແວດ​ລ້ອມ ແລະ ສັງ­ຄົມ​ລາວ ສ້າງ​ຄວາມ​ເຂັ້ມ­ແຂງ​ໃຫ້​ຫຼັກ­ສູດການ​ສຶກ​ສາ​ດ້ານ​ສິ່ງ­ແວ­ດລ້ອມ ແລະ ສັງ­ຄົມ ເພື່ອ​ພັດ­ທະ­ນາ​ຊັບພະ­ຍາ­ກອນ​ມະ­ນຸດ ແລະ ສະ­ໜັບສະ​ໜູນ​ປ່າ​ສະ­ຫງວນ ແລະ ອ່າງໂຕ່ງ​ຕອນ​ເທິງ​ຂອງ​ສາຍ​ນ້ຳທີ່​ມີປ່າ­ໄມ້​ ທີ່​ມີ​ຄວາມ​ສຳ­ຄັນ​ຕໍ່​ນ້ຳ­ຕົກ ເຊິ່ງ​ໂຄງ­ການ​ດັ່ງ­ກ່າວ​ນີ້​ຈະ​ກວມເອົາ 8 ແຂວງ ​ຄື: ແຂວງ​ຫົວ­ພັນ ຊຽງ​ຂວາງ ຫຼວງ​ພະ​ບາງ ວຽງຈັນ ໄຊ​ສົມ­ບູນ ບໍ​ລິ​ຄຳ​ໄຊ ຄຳມ່ວນ ແລະ ສະ­ຫວັນ​ນະ​ເຂດ ໄລຍະ​ເວ­ລາ 6 ປີ ຄື: 2015-2021.

ພິ­ທີ​ເຊັນ​ສັນ­ຍາມອບ-ຮັບເອົາ​ໂຄງ­ການ​ສ້າງ​ຄວາມ​ສາມາດ​ດ້ານ​ການ­ຈັດ­ຕັ້ງ​ ເພື່ອ​ການຄຸ້ມຄອງ​ປ່າ​ສະ­ຫງວນ ອະ­ນຸ​ຮັກສັດ­ປ່າ ແລະ ສ້າງ​ຄວາມ​ເຂັ້ມແຂງ​ໃຫ້​ອົງ­ການ​ຄຸ້ມ​ຄອງ ແລະ ປົກ​ປັກ​ຮັກ­ສາ​ແຫຼ່ງ​ນ້ຳ​ເທີນ 2 ຈັດ​ຂຶ້ນ​ໃນ​ວັນ​ທີ 6 ພຶດ­ສະ­ພາ 2015 ທີ່​ກົມ​ຄຸ້ມ​ຄອງ​ຊັບພະ­ຍາກອນ​ປ່າ­ໄມ້ ລະ­ຫວ່າງທ່ານ ສຸກ ກະ​ຕະວິ­ຈິດ ຜູ້­ອຳ­ນວຍ­ການ​ກອງທຶນ​ປົກ​ປັກ​ຮັກ­ສາ​ສິ່ງ­ແວ­ດລ້ອມ (ຕາງ­ໜ້າ​ຜູ້​ໃຫ້​ທຶນ) ແລະ ທ່ານ ຄຳ​ພັນ ນັນ­ທະ​ວົງ ຫົວ­ໜ້າ​ກົມຄຸ້ມຄອງ​ຊັບ­ພະ­ຍາ­ກອນ​ປ່າ­ໄມ້ (ຕາງ­ໜ້າ​ຜູ້​ຈັດ​ຕັ້ງ​ປະ­ຕິ­ບັດ​ໂຄງການ​ຍ່ອຍ) ເຊິ່ງ​ມີ​ຫົວ­ໜ້າ​ກົມ ຄະ­ນະ​ຮັບ​ພິດ​ຊອບ​ໂຄງ­ການ​ຍ່ອຍ ແລະ ພະ­ນັກ­ງານ-ວິ­ຊາ​ການ​ທີ່ກ່ຽວ­ຂ້ອງ​ເຂົ້າ​ຮ່ວມເປັນ​ສັກ­ຂີ​ພິຍານ.

ສຳ­ລັບ​ໂຄງ­ການ​ຍ່ອຍ​ດັ່ງ­ກ່າວນີ້ ມີ​ຈຸດ­ປະ­ສົງ​ເພື່ອ​ສ້າງ​ຄວາມເຂັ້ມ­ແຂງ​ໃຫ້​ລະ­ບົບ​ນະ­ໂຍ­ບາຍ ການຈັດ​ຕັ້ງ ແລະ ຄວາມ​ສາມາດ​ຂອງ​ກົມ​ຄຸ້ມ​ຄອງ​ຊັບ​ພະ­ຍາກອນ​ປ່າ­ໄມ້ ເພື່ອ​ປົກປັກ​ຮັກ­ສາ ແລະ ຄຸ້ມ​ຄອງ​ລະ­ບົບ​ປ່າ​ສະຫງວນ​ແຫ່ງ​ຊາດ ໂດຍ​ມີ​ຫງົບປະ­ມານ 2.595.440 ໂດ​ລາ​ສະຫະ​ລັດ ຫຼື ປະ­ມານ 20 ຕື້​ກວ່າກີບ ເພື່ອ​ປະ­ຕິ­ບັດ 3 ກິດ­ຈະ­ກຳ ຕົ້ນ­ຕໍ ​ຄື: ການ​ພັດ­ທະ­ນາ​ການ​ຈັດຕັ້ງ​ສຳ­ລັບ​ລະ­ບົບ​ປ່າ​ສະ­ຫງວນ ແລະ ປ່າ​ປ້ອງ​ກັນ​ແຫ່ງ​ຊາດ ການ​ວາງ​ແຜນ ແລະ ລະ­ບົບແນະ­ນຳ​ເພື່ອ​ການ​ອະ­ນຸ​ຮັກ​ປ່າ ສະ­ຫງວນ ແລະ ການ​ຄຸ້ມ​ຄອງໂຄງ­ການ​ຍ່ອຍ.

 

ແຫລ່ງ​ຂ່າວ: ວຽງ​ຈັນ​ໃໝ່

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....