ເກີດ​ເຫດ​ແຜ່ນ​ດິນ​ໄຫວ​ຂະ​ໜາດ 4.5 ແມັກ​ນິ​ຈູດ ບໍ​ລິ​ເວນ​ເກາະ​ຍາວ ແຂວງ​ພັງ​ງາ ປະ​ເທດ​ໄທ  ເຮັດ​ໃຫ້​ຊາວ​ບ້ານ​ແຕກ​ຕື່ນ​ຢ້ານ​ສຶ​ນາ​ມິ ອອກ​ຈາກ​ເຮືອນ​ຕອນ​ກາງ​ເດິກ ກຽມ​ອົບ​ພະ​ຍົບ​ໃນ​ຫລາຍ​ພື້ນ​ທີ່.

ສຳ​ນັກ​ຂ່າວ INN ຂອງ​ໄທ ລາຍ​ງານ​ໃນ​ວັນ​ທີ 7 ພຶດ​ສະ​ພາ​ນີ້​ວ່າ ສູນ​ເຕືອນ​ໄພ​ພິ​ບັດ​ແຫ່ງ​ຊາດ​ໄທ ໄດ້​ແຈ້ງ​ເຫດ​ແຜ່ນ​ດິນ​ໄຫວ ໃນ​ເວ​ລາ 00:30 ໂມາງ ຂອງວັນ​ທີ 7 ພຶດ​ສະ​ພານີ້ ຢູ່​ບໍ​ລິ​ເວນ​ເມືອງ​ເກາະ​ຍາວ ແຂວງ​ພັງ​ງາ ຂະ​ໜາດ 4.5 ແມັກ​ນິ​ຈູດ ຄວາມ​ເລິກ 11 ກິ​ໂລ​ແມັດ ໂດຍ​ຊາວ​ບ້ານ​ໃນ​ຫລາຍ​ພື້ນ​ທີ່​ຂອງ​ແຂວງ​ພູ​ເກັດ, ກະ​ບີ່ ແລະ ພັງ​ງາ ສາ​ມາດ​ຮັບ​ຮູ້​ເຖິງ​ແຮງ​ສັ່ນ​ສະ​ເທືອນ​ໄດ້ ເຮັດ​ໃຫ້​ພາ​ກັນ​ຕື່ນ​ຕົກ​ໃຈ ອົບ​ພະ​ຍົບ​ອອກ​ມາ​ລວມ​ກັນ​ຢູ່​ຕາມ​ຖະ​ໜົນ​ຫົນ​ທາງ​ຫລາຍ​ຈຸດ.

ແນວ​ໃດ​ກໍ​ຕາມ ເຫດ​ແຜ່ນ​ດິນ​ໄຫວ​ຄັ້ງ​ນີ້ ບໍ່​ມີ​ການ​ເຕືອນ​ໄພ​ສຶ​ນາ​ມິ​ແຕ່​ຢ່າງ​ໃດ ເຊິ່ງ​ເຈົ້າ​ໜ້າ​ທີ່​ໄດ້​ອອກ​ປະ​ຊາ​ສຳ​ພັນ​ໃຫ້​ແກ່​ນັກ​ທ່ອງ​ທ່ຽວ ແລະ ປະ​ຊາ​ຊົນ ເພື່ອ​ບໍ່​ໃຫ້​ແຕກ​ຕື່ນ.