ກະຊວງສາທາລະນະສຸກບຣາຊິນ ຖະແຫລງໃນມື້ວັນຈັນ 4 ພຶດສະພາຜ່ານມານີ້ວ່າ ໃນປີນີ້ມີຜູ້ເສຍຊີວິດຈາກພະຍາດໄຂ້ເລືອດອອກແລ້ວ 229 ຄົນ.
ສຳນັກຂ່າວຕ່າງປະເທດ ລາຍງານເລື່ອງດັ່ງກ່າວນີ້ ໂດຍລະບຸອີກວ່າ ຍັງມີຈຳນວນຄົນເຈັບທີ່ຕິດເຊື້ອໄຂ້ເລືອດອອກ ສູງເຖິງ 745,000 ຄົນ ໃນທົ່ວປະເທດ ເຊິ່ງຖືເປັນຕົວເລກທີ່ສູງກ່ວາປີທີ່ຜ່ານມາເຖິງ 234% ໂດຍສະເພາະໃນນະຄອນເຊົາເປົາໂລ ເຊິ່ງມີປະຊາກອນອາໄສຢູ່ ຫລາຍກ່ວາ 12 ລ້ານຄົນ ແມ່ນຖືເປັນເຂດສູນກາງຂອງການລະບາດ ໂດຍມີຍອດຜູ້ເສຍຊີວິດໃນເມືອງນີ້ 169 ຄົນ ແລະ ຕິດເຊື້ອອີກ 401,564 ຄົນ ສົ່ງຜົນເຮັດໃຫ້ນະຄອນເຊົາເປົາໂລຂອງບຣາຊິນ ຕ້ອງປະເຊີນກັບການລະບາດຂອງພະຍາດໄຂ້ເລືອດອອກ ຄັ້ງຮຸນແຮງທີ່ສຸດ ນັບຕັ້ງແຕ່ປີ 1990 ເປັນຕົ້ນມາ.