ເກົາຫລີໃຕ້ປະກາດ ຫ້າມບຸກຄົນອາຍຸຕ່ຳກ່ວາ 25 ປີ ຖ່າຍໂຄສະນາເຄື່ອງດື່ມທາດເຫລົ້າ ຫວັງຫລຸດຜ່ອນສະຖິຕິນັກດື່ມແດນໂສມທີ່ສູງຂຶ້ນ.
ສຳນັກຂ່າວຕ່າງປະເທດ ລາຍງານໃນວັນທີ 4 ເມສາຜ່ານມານີ້ວ່າ ຄະນະກຳມາທິການທີ່ກ່ຽວຂ້ອງຂອງລັດຖະສະພາ ສ. ເກົາຫລີ ໄດ້ຜ່ານຮ່າງກົດໝາຍກຳນົດບໍ່ໃຫ້ບຸກຄົນທີ່ມີອາຍຸຕ່ຳກ່ວາ 25 ປີ ປະກົດຕົວໃນສື່ໂຄສະນາເຄື່ອງດື່ມທາດເຫລົ້າ ເຊິ່ງສົ່ງຜົນໃຫ້ດາລານັກສະແດງທີ່ມີອາຍຸຕ່ຳກ່ວາ 25 ປີ ຕ້ອງງົດຖ່າຍໂຄສະນາເຄື່ອງດື່ມທີ່ມີທາດເຫລົ້າ ເຊັ່ນ ນັກຮ້ອງສາວ ລີ ຈີ ອຶນ ຫລື ໄອຢູ ເຊິ່ງມີອາຍຸ 21 ປີ ຈຳຕ້ອງຢຸດຕິການຖ່າຍໂຄສະນາໃຫ້ກັບເຫລົ້າໂຊຈຸ (ເຫລົ້າເກົາຫລີຍີ່ຫໍ້ດັງ).
ທັງນີ້ ຍັງມີລາຍງານຂໍ້ມູນລ່າສຸດວ່າ ຄົນເກົາຫລີໃຕ້ດື່ມເຫລົ້າໃນປະລິມານຫລາຍເປັນປະຫວັດການ ໂດຍຄົນເກົາຫລີໃຕ້ຕື່ມເຫລົ້າຈຳພວກວິດສະກີ້ ໂດຍສະເລ່ຍ 13.7 ຊ໊ອດຕໍ່ອາທິດ ເຊິ່ງເປັນສະຖິຕິທີ່ສູງກ່ວານັກດື່ມໂວດກ້າຊາວຣັດເຊຍ ເຖິງ 2 ເທົ່າ.