spot_img
Homeຂ່າວການສຶກສາໂຮງຮຽນຊັ້ນປະຖົມປອດຢາເສບຕິດ

ໂຮງຮຽນຊັ້ນປະຖົມປອດຢາເສບຕິດ

Published on

ໂຮງຮຽນຊັ້ນປະຖົມປອດຢາເສບຕິດ

 

ວັນທີ 1 ມີນາ 2013 ຫ້ອງການສຶກສາທິການ ແລະ ກີລາ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ຈັດພິທີປະກາດ 7
ໂຮງຮຽນປະຖົມສົມບູນຢູ່ເມືອງສີໂຄດຕະບອງ ເປັນໂຮງຮຽນປອດສິ່ງເສບຕິດຂຶ້ນ ທີ່ໂຮງຮຽນປະຖົມສົມບູນຊະນະພົນ ຊຶ່ງມີທ່ານ
ຄຳພວງ ຈູມມາລີ ຮອງຫົວໜ້າພະແນກສຶກສາທິການ ແລະ ກີລານະຄອນຫຼວງວຽງຈັນ ອຳນາດການປົກຄອງບ້ານ ຜູ້ອຳນວຍ
ການໂຮງຮຽນ ຄູ-ອາຈານ ແລະ ນັກຮຽນເຂົ້າຮ່ວມ.
ໃນພິທີທ່ານອາຈານ ເດດ ຊະນະພົນ ພິລະໄຊພິທັກ ຕາງໜ້າຜູ້ອຳນວຍການໂຮງຮຽນປະຖົມ ທີ່ໄດ້ຮັບອະນຸມັດເປັນໂຮງຮຽນ
ປອດສິ່ງເສບຕິດຄື: ໂຮງຮຽນປະຖົມສົມບູນຊະນະພົນ ສີໄຄທົ່ງ ວັນນະພາ ອາກາດ ໜອງບົວທອງເໜືອ ແລະ ໂຮງຮຽນປະຖົມ
ສົມບູນຊຳເກດ ໄດ້ຂຶ້ນຜ່ານບົດສະຫຼຸບຫຍໍ້ໃນການເຄື່ອນໄຫວ ກິດຈະກຳຕ້ານຢາເສບຕິດໃນໄລຍະຜ່ານມາ ຊຶ່ງເຫັນໄດ້ວ່າຕະ
ຫຼອດໄລຍະຜ່ານມາ ໂຮງຮຽນແຫ່ງຕ່າງໆທັງພາກລັດ ແລະ ເອກະຊົນໄດ້ເອົາໃຈໃສ່ຕໍ່ການສຶກສາຂັ້ນພື້ນຖານຕາມ 5 ຫຼັກມູນ
ຂອງການສຶກສາໃນການສ້າງບຸກຄະລາກອນໃຫ້ເປັນພົນລະເມືອງດີຂອງຊາດ ໃນນັ້ນກໍມີກິດຈະກຳປູກຈິດສຳນຶກໃຫ້ນັກຮຽນແຕ່ຂັ້ນ
ປະຖົມ ຮູ້ໄດ້ໃນການຫ່າງໄກຈາກຢາເສບຕິດທຸກປະເພດ ໂດຍແຕ່ລະໂຮງຮຽນກໍໄດ້ມີການແຕ່ງຕັ້ງຄະນະກຳມະການສ້າງໂຮງ
ຮຽນປອດຢາເສບຕິດ ເພື່ອພ້ອມກັນນຳພາຈັດຕັ້ງຜັນຂະຫຍາຍຕາມທິດຊີ້ນຳຂອງຂັ້ນເທິງ ໂດຍສະເພາະຂອງທ່ານເຈົ້າຄອງນະ
ຄອນຫຼວງວຽງຈັນໃຫ້ປະກົດເປັນຮູບປະທຳ ແລະ ຜ່ານການຈັດຕັ້ງປະຕິບັດໂດຍອີງໃສ່ 4 ມາດຖານ-ເງື່ອນໄຂຄື: ບໍ່ມີບ່ອນຜະ
ລິດຢາເສບຕິດໃກ້ກັບໂຮງຮຽນ ບໍ່ມີຜູ້ຈຳໜ່າຍ-ຂາຍຢາເສບຕິດໃນໂຮງຮຽນ ບໍ່ມີຜູ້ເສບຢາເສບຕິດປະເພດຕ່າງໆ ແລະ ບໍ່ມີບ່ອນ
ຊຸກເຊື່ອງ-ປິດບັງຢາເສບຕິດ ແລະ ຜ່ານການລົງກວດກາຂອງຄະນະກຳມະການກໍເຫັນວ່າ ໂຮງຮຽນຈຳນວນດັ່ງກ່າວສາມາດປະ
ຕິບັດໄດ້ເປັນຢ່າງດີ ຊຶ່ງມັນສະແດງໃຫ້ເຫັນກຸ່ມເປົ້າໝາຍຕິດຢາເສບຕິດປະ 1-2 ແລະ 3 ບໍ່ມີກຸ່ມສ່ຽງ ກຸ່ມເສບ ແລະ ກຸ່ມຂາຍ
ຢາເສບຕິດ ດັ່ງນັ້ນ ຈຶ່ງເຮັດໃຫ້ 7 ໂຮງຮຽນໄດ້ຮັບນາມມະຍົດເປັນໂຮງຮຽນປອດຢາເສບຕິດ.
ທີ່ມາhttp://www.vientianemai.net

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...