ຊ່ວງນີ້ອາກາດຮ້ອນ,ແດດຈ້າ,ແຖມລົມແຮງ ເຮັດໃຫ້ເກີດບັນຫາກັບດວງຕາຫລາຍໆ ຢ່າງທີ່ພົບເລື້ອຍຄືພະຍາດຕາແຫ້ງຊຶ່ງປົກກະຕິຈະພົບຫລາຍໃນກຸ່ມຜູ້ທີ່ເຮັດວຽກໜ້າຈໍຄອມພິວເຕີຫລືຜູ້ສູງອາຍຸທີ່ມີນ້ຳຫລໍ່ລ້ຽງໜ່ວຍຕາໜ້ອຍຈົນເຮັດໃຫ້ເກີດການລະຄາຍເຄືອງຕາໂດຍສະເພາະຢ່າງຍິ່ງຊ່ວງໜ້າຮ້ອນຈະມີອາການຝືດຕາ,ເຄືອງຕາ,ຕາແດງຫລາຍຂຶ້ນຕໍ່ມາຄືພະຍາດຕໍ້ລົມຫລືຕໍ້ເນື້ອ ຊຶ່ງເປັນອາການຂອງເຍື່ອບຸຕາຂາວໜາຂຶ້ນຈາກການຖືກລົມຫລືຄວາມຮ້ອນເຮັດໃຫ້ເກີດພາວະເຄືອງຕາແລະຄົນລາວເປັນພະຍາດນີ້ກັນຫລາຍ
ຂໍ້ແນະນຳ ໃຫ້ຫລີກລ້ຽງການຢູ່ໃນບ່ອນທີ່ອາກາດຮ້ອນ,ອາກາດແຫ້ງ,ລົມແຮງ ເພາະເຮັດໃຫ້ນ້ຳຫລໍ່ລ້ຽງໜ່ວຍຕາລະເຫຍງ່າຍກວ່າປົກກະຕິອາດຈະໃຊ້ການກະພິບຕາເປັນໄລຍະເມື່ອຮູ້ສຶກບໍ່ສະບາຍຕາ ກໍ່ໃຊ້ນ້ຳຕາທຽມເພື່ອລຸດພາວະຕາແຫ້ງ ລະຄາຍເຄືອງຕາໄດ້ແຕ່ຖ້າອາການບໍ່ດີຂຶ້ນກໍໃຫ້ໄປກວດ