ເມື່ອຜູ້ຊາຍສ່ວນໃຫຍ່ຖືກຖາມວ່າແມ່ນຫຍັງໃນໂຕຜູ້ຍິງທີ່ພວກເຂົາເຫລົ່ານັ້ນຮູ້ສຶກວ່າໜ້າດຶງດູດຫລາຍທີ່ສຸດຫລາຍເທື່ອທີ່ຜູ້ຍິງຈະຮູ້ສຶກແປກໃຈກັບຄຳຕອບທີ່ໄດ້ຢູ່ຄືກັນ
ໃນຂະນະທີ່ແທ້ຈິງແລ້ວຜູ້ຍິງຫລາຍໆຄົນລຸກຂຶ້ນມາແຕ່ງໜ້າແຕ່ງໂຕໃຫ້ເບິ່ງງາມເພື່ອຕົວເອງຊຶ່ງນີ້ຄືສິ່ງທີ່ຄວນຖືກສົ່ງເສີມໃຫ້ຜູ້ຍິງທຸກຄົນເຮັດກັນແຕ່ເລິກໆແລ້ວສາວໆທຸກຄົນກໍຕ້ອງຍອມຮັບວ່າຕົນເອງກໍຢາກຮູ້ຄືກັນວ່າອັນທີ່ຂ້ອຍແຕ່ງໂຕງາມຢູ່ທຸກມື້ນີ້ຜູ້ຊາຍເຫັນແລ້ວພວກເຂົາຄິດແບບໃດກັນແນ່ເອົາເປັນວ່າມື້ນີ້ເຮົາມີຜົນການສຶກສາວິໄຈທີ່ໜ້າສົນໃຈຫລາຍກ່ຽວກັບ7ລັກສະນະໃນໂຕຜູ້ຍິງທີ່ໜ້າດຶງດູດຫລາຍທີ່ສຸດໃນສາຍຕາຜູ້ຊາຍມາຝາກ
1.ແຂ້ວຂາວ
ຈາກການສຶກສາຂອງເວັບໄຊ plosone. org ການມີແຂ້ວຂາວສະອາດມີຜົນຕໍ່ຄວາມໜ້າດຶງດູດໃນໂຕໃນສາຍຕາຜູ້ຊາຍນັກວິໄຈພົບວ່າແຂ້ວສີເຫລືອງຫລືແຂ້ວທີ່ລຽງກັນບໍ່ງາມຈະເຮັດໃຫ້ຄວາມໜ້າດຶງດູດໃຈໃນໂຕຫລຸດນ້ອຍລົງແຕ່ຮູ້ແບບນີ້ແລ້ວກໍບໍ່ໄດ້ໝາຍຄວາມວ່າຕ້ອງຟ້າວໄປຂັດແຂ້ວໃຫ້ສີຂາວຍິ້ມທີເຮັດໃຫ້ຄົນຮອບຂ້າງແສບຕາເພາະຈັ່ງໃດແຂ້ວຂາວສະອາດແບບທຳມະຊາດກໍຍ່ອມດີກວ່າຢູ່ແລ້ວ
2.ສີສົບສີແດງ
ຈາກການສຶກສາຈາກJournal of Personality and Social Psychologyຂອງມະຫາວິທະຍາໄລໂລເຊດເຕີສະຫະລັດອາເມລິກາພົບວ່າສີແດງນັ້ນເປັນສີທີ່ສາມາດດຶງດູດຜູ້ຊາຍເຂົ້າຫາຜູ້ຍິງໄດ້ເປັນຢ່າງດີຊຶ່ງໂດຍປົກກະຕິແລ້ວພວກຜູ້ຊາຍກໍຈະບໍ່ຮູ້ໂຕວ່າເວລາຕົນເອງເຫັນສີແດງແລ້ວຈະເກີດປະຕິກິລິຍາດັ່ງກ່າວເອົາເປັນວ່າມື້ໃດຖ້າສາວໆຢາກຈະເພີ່ມສະເໜ່ໃຫ້ກັບຕົນເອງກໍ່ຕ້ອງທາສີສົບສີແດງນີ້ໄດ້ຜົນຕອບຮັບແນ່ນອນ
3.ແອວຄອດສະໂພກຜາຍ
ຮູບຮ່າງຈ່ອຍນ້ອຍອາດຈະເປັນມາດຕະຖານຂອງນາງແບບຕອນນີ້ແຕ່ນັກວິໄຈຈາກນິວຊີແລນພົບວ່າຜູ້ຊາຍສ່ວນໃຫຍ່ມັກຜູ້ຍິງທີ່ມີຮູບຮ່າງຄືໂມງຊາຍ,ມີສ່ວນໂຄ້ງຊັດເຈນໂດຍສະເພາະຜູ້ຍິງທີ່ມີແອວກິວກະໂພກໃຫຍ່ເປັນຕົ້ນ
4.ສຽງນ້ອຍ
ຜົນວິໄຈພົບວ່າຜູ້ຊາຍສ່ວນໃຫຍ່ມັກຜູ້ຍິງທີ່ມີສຽງນ້ອຍຫລືສຽງສູງແຕ່ນັ້ນກໍບໍ່ໄດ້ໝາຍຄວາມວ່າຮູ້ແບບນີ້ແລ້ວຈະຕ້ອງພະຍາຍາມບີບສຽງໃຫ້ນ້ອຍຄືເດັກນ້ອຍຕະຫລອດເວລາຈົນເກີນພໍດີເພາະແບບສາວ ສກາເລດ ໂຈແຮນສັນ ກໍມີສຽງແຫບສະເໜ່ສຸດເຊັກຊີ່ທີ່ຜູ້ຊາຍໄດ້ຍິນກໍໃຈເຕັ້ນມາຫລາຍຄົນແລ້ວ
5.ຜົມສີເຂັ້ມ
ແບບທີ່ພວກເຂົາມັກເວົ້າກັນວ່າ“blondes have more fun”ແຕ່ຄວາມຈິງແລ້ວສາວຜົມບອນເບິ່ງໜ້າດຶງດູດກວ່າຫລືບໍ່ຈາກຜົນວິໄຈຈາກNational Center for Biotechnology Information ສະຫະລັດອາເມລິກາໃນປີ2008ພົບວ່າສາວຜົມສີເຂັ້ມ ຫລືຜົມສີນ້ຳຕານໄດ້ຮັບການຈັດອັນດັບໃຫ້ມີຄວາມດຶງດູດສູງກວ່າສາວຜົມບລອນຈາກກຸ່ມຜູ້ຊາຍສ່ວນຄວາມສັ້ນຄວາມຍາວຂອງຜົມນັ້ນບໍ່ຄ່ອຍມີຜົນກະທົບຕໍ່ຄວາມໜ້າດຶງດູດເທົ່າໃດ
6.ແຕ່ງໜ້າໜ້ອຍໆ
ຈາກການສຶກສາຈາກThe Quarterly Journal of Experimental Psychology ກຸ່ມຜູ້ຊາຍແລະຜູ້ຍິງທີ່ເຂົ້າຮ່ວມທົດລອງໄດ້ມີການໃຫ້ເບິ່ງຮູບຂອງໃບໜ້າຜູ້ຍິງທີ່ແຕ່ງໜ້າໃນລະດັບທີ່ບໍ່ເທົ່າກັນໂດຍພວກເຂົາຕ້ອງເລືອກວ່າໜ້າແບບໃດທີ່ພວກເຂົາຮູ້ສຶກໜ້າດຶງດູດຫລາຍທີ່ສຸດແລະໃຫ້ເດົານໍາວ່າຝ່າຍເພດກົງກັນຂ້າມຈະເລືອກໜ້າແບບໃດທີ່ເບິ່ງໜ້າດຶງດູດສຳລັບຕົນເອງຜົນປາກົດວ່າທັງກຸ່ມຜູ້ຊາຍແລະຜູ້ຍິງມັກຫນ້າທີ່ແຕ່ງເຄື່ອງສຳອາງໜ້ອຍແຕ່ໃນຂະນະດຽວກັນກຸ່ມຜູ້ຍິງພັດຄິດວ່າກຸ່ມຜູ້ຊາຍຈະຕ້ອງມັກຫນ້າທີ່ແຕ່ງແຮງໆ
7.ແຂນຍາວ
ຈາກຫນັງສືJournal of Evolutionary Biologyພົບວ່າຜູ້ຊາຍມັກຮູ້ສຶກດຶງດູດຕໍ່ຜູ້ຍິງທີ່ມີແຂນສວ້ຍຍາວເຊື່ອວ່ານີ້ເປັນສ່ວນຫນຶ່ງໃນຮ່າງກາຍທີ່ສາວໆຈະຄິດບໍ່ວ່າຜູ້ຊາຍພວກເຂົາກໍໃຫ້ຄວາມສຳຄັນຄືກັນເພາະພວກເຮົາມັກໃຫ້ຄວາມສຳຄັນເຈາະຈົ່ງໄປທີ່ຂາທີ່ສວ້ຍຫລາຍກວ່າ